Advertisements

KOMUNIKADO DI KUERPO POLISIAL KÒRSOU Investigashon interno.

KOMUNIKADO DI KUERPO POLISIAL KÒRSOU
161 / 2018
15 aprel 2018

Investigashon interno.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

En konekshon ku ponensianan ku a sali den medionan (sosial) tokante faltamentu ku regla i medidanan ku a tuma kontra un funshonario haltu den kuerpo polisial, Tim di Maneho ta konsiderá ku ta importante pa informá lo siguiente.
Riba djasabra 7 di aprel último mando di kuerpo a keda pone telefónikamente na altura di un insidente ku lo mester a tuma lugá un dia promé i ku ta duna indikashon di inkumplimentu ku reglanan interno di un funshonario di kuerpo. A keda kumbiní ku e fuente, ku e informashon lo keda ofisialisá den un reportahe. E reportahe preliminar a keda presentá djadumingu 8 di aprel último. Despues di a analisá e kontenido di e reportahe preliminar, Tim di Maneho riba e djadumingu ei mes, a instruí ‘Bureau Interne Zaken’, pa kondusí un investigashon interno, wardando e reportahe definitivo. Alabes a yama i a informá e funshonario en kuestion ku pendiente e investigashon ta kita e.o. su responsabilidatnan prinsipal di trabou for di dje. Den e siman ku a pasa a risibí e reportahe definitivo di e insidente i a tende e funshonario. Den e siman aki lo kontinuá ku e investigashon i Tim di Maneho lo keda informá di e último desaroyonan den esaki. Si e último informashon hasi esaki nesesario lo tuma medidanan adishonal.
Tim di Maneho ke aksèntuá ku manera ta e maneho usual, no ta duna informashon di kontenido di investigashonnan disiplinario, i ke sigurá ku si konstatá ku en berdat tabatin inkomplimentu ku reglanan, lo aktua ku e severidat adekuá kontra esaki.

Advertisements
error: Content is protected !!
%d bloggers like this: