Advertisements

17 di aprel próksimo FUNDASHON PRO SOUAX ta organisá: Charla grátis “KIKO “SVB” TA PARA PE”

17 di aprel próksimo FUNDASHON PRO SOUAX ta organisá: Charla grátis “KIKO “SVB” TA PARA PE” 
                                                

Fundashon Pro Souax i Sentro di bario Souax gustosamente ta invitá habitantenan di bario di Souax, Gato i bisindario i tambe otro interesadonan, na kontinuashon di e “Siklo di Charla riba Tópiko Hurídiko”. Tópiko pa e luna aki lo ta KIKO “SVB” TA PARA PE”.   E charla ta tuma lugá djamars 17 di aprel próksimo i e oradónan lo ta funshonarionan di Banko di Seguro Sosial, sr. Luis Coffie i sra. Jinessa Hato-Martina.

Komo habitante di Korsou nos tur di un forma òf otro tin di haber ku “SVB”. Sea ta pa seguro básiko; seguro di malesa i aksidente; pago di salario den kaso di malesa; penshun di behes, di viudo, di huerfano òf pa seguro di sesantia.
Ta trata di derechinan ankrá den lei i ku tur habitante mester ta bon na altura di dje.
Bin tende pa bo haña sa: Ken ta sigurá na SVB? Kontra kua rísikonan i pa kua prima?  Kua gastunan SVB ta kubri i kua nò i basá riba kua reglanan esaki ta tuma lugá?

Durante e charla ku lo ta di 7or pa mitar di 9 anochi na Sentro di bario Souax e oradónan entre otro lo amplia riba e diferente servisionan ku SVB ta duna i e siudadano su derechinan pa loke ta seguro sosial.

Moderadó lo ta mr. Juny Sluis, presidente di Fundashon Pro Souax.
Entrada ta grátis i lo tin amplio oportunidat pa hasi pregunta.

                        Kontinuashon “Siklo di Charla riba tópiko hurídiko”

Tópiko: KIKO “SVB” TA PARA PE”
Oradó: sr. Luis Coffie i sra. JInessa Hato-Martina
Moderadó: mr. Juny Sluis
Dia: djamars 17 di aprel 2018
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní

Advertisements

Skibi bo komentario / Opinion

%d bloggers like this: