Advertisements

KOMUNIKADO DI KUERPO POLISIAL KÒRSOU Aksidente di outo ku morto Raïsha Rationella Offerman Ta perde su bida (potret di arma i damita)

KOMUNIKADO DI KUERPO POLISIAL KÒRSOU
154 / 2018
7 aprel 2018

Aksidente di outo ku morto

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 7 aprel 2018, alrededor di 04.03 or sentral di polis a haña notifikashon ku riba
Winston Churchillweg tin un dalmentu entre dos outo i ku tin varios herido .
Na yegada di e patruya polisial nan a bin topa ku e dos (2) outo, outo numer 1: un Ford
Focus korá i outo number 2: Un Scion pretu. Tabatin total kuater (4) herido (2 hòmber i 2
dama) den outo number 1. Un di e víktimanan, un dama ku tabata sintá dilanti banda di
shofùr di outo number 1 no tabata duna señal di bida. Den outo number 2 tabatin
solamente e shofùr ku a sinti poko doló na su hep.
Ku ambulans a transportá tur e sobrá tres (3) víktimanan pa SEHOS pa tratamentu médiko
kada unu ku leshon(nan) ku ta varia di kap na kachete, ènkel / man frakturá / kachete i
nanishi frakturá.
For di un investigashon preliminar ku polis a realisá na e sitio a resultá ku e shòfur di e outo
number 1 (Ford Focus korá) tabata kore riba Winston Churchillweg direkshon Sta. Maria
mientras shofùr di outo number dos (Scion pretu) tabata kore riba mesun kaya pero
direkshon kontrali (direkshon rio Canario). Pa un motibu ku te na e momento aki ta den
investigashon, e hòmber shofùr 27 aña di edat, ku tabata manehá e outo number 1, e Ford
Focus koló korá, a desvia na su man robes i a sigui kore einan ku konsekuensia ku e la bin
dal frontal kontra outo number 2 ku e konsekuensia ariba menshoná.
Alrededor di 04.50 or dòkter di polis a konstatá morto di e dama Raïsha Rationella
Offerman, nasé na Hulanda 15 febrüari 1992 ku tabata sintá dilanti banda di e shofùr den
outo number 1. E víktima aki a haña un fraktura na su nèk.
Durante ku e polisnan tabata hasi investigashon na e sitio, polis a haña informashon ku un
di e viktimanan ku tabata involví den e aksidente a skonde algu bou di un kliko den
serkanía.
Ora ku polis a bai investigá nan a haña i konfiská un pistol marka Glock ku un kashi di bala
largu.
Polis ta supliká kualke persona ku tin informashon riba e aksidente di tráfiko aki pa tuma
kontakto ku Departamentu di Tráfiko na telefòn: 866-6134 / 866-6137 / 866-6236.
E investigashon den e kaso aki ta kontinuá.
 Athunto potrèt di e arma di kandela.

 

<script async src=”//pagead2.googlesyndication.com/pagead/js/adsbygoogle.js”></script>
<script>
(adsbygoogle = window.adsbygoogle || []).push({
google_ad_client: “ca-pub-5639114718427035”,
enable_page_level_ads: true
});
</script>

Advertisements

3 thoughts on “KOMUNIKADO DI KUERPO POLISIAL KÒRSOU Aksidente di outo ku morto Raïsha Rationella Offerman Ta perde su bida (potret di arma i damita)

Comments are closed.

error: Content is protected !!
%d bloggers like this: