Advertisements

EDIFISIONAN KAMINDA ALGUN TEMPU PASA A UBIKA DEPARTAMETU DI SOAW I IMIGRASHON NO TA KONTRIBUI NA SALU DI EMPLEADONAN PUBLIKO

EDIFISIONAN KAMINDA ALGUN TEMPU PASA A UBIKA DEPARTAMETU DI SOAW I IMIGRASHON NO TA KONTRIBUI NA SALU DI EMPLEADONAN PUBLIKO

 

Kòrsou, 6 di Aprel 2018

 

Frakshon di Movementu Futuro Kòrsou (MFK), a tuma nota ku últimamente tin hopi reklamo di empleadonan públiko riba e dos edifisionan ariba menshoná i ku tin un situashonnan ku ta afektá nan salu i e ambiente di trabou ku nan mester funshoná aden. Ta deber di kada doño di trabou pa ubika su trahadónan den edifisionan ku ta sano, salu i sigur pa nan i gobiernu no ta un eksepshon. Gobiernu mester ta un ehèmpel pa otro empresa i kompanianan pa loke ta trata alokashon di su empleadonan. Segun informashonnan ku frakshon di MFK ta dispone di dje, e dos edifisionan aki no ta kontribuí na salu di e empleado públiko, tin un situashonnan andando pa basta tempu kaminda empleadonan ta birando malu i gobiernu ta buska pa tapa e situashon i a stòp kontrol di ARBO consult i obviamente no ta tuma e medidanan apropiá pa salbaguardiá salu di e empleadonan públiko.

E asuntu aki ta hopi serio i ta pa e motibu Frakshon di MFK pidi e reunion di komishon sentral, pa asina nos por sali na interes di prinsipalmente salu di nos tur ámtenar ku ta laborá den e edifisionan aki i tambe siudadano nan ku ta bishita imigrashon i departamentu di labor.

 

Na nòmber di frakshon di MFK,

Advertisements
error: Content is protected !!
%d bloggers like this: