Advertisements

Ministerio Publiko ta informa

Info OM:

E kaso kontra 4 sospechoso, akusá di ta envolvi den e tripel asesinato riba parkeerplaats di Campo Alegre 24 di yüli 2016, a keda wantá. Esaki riba petishon di Fiskal di Ministerio Publiko (OM).
E dia en kuestion Richenelo Emerencia, Cristen Leonard i Irvin Rosa a perde nan bida despues di un tiramentu.
Fiskal a pidi pa wanta e kaso yamá “Campo”. Wes a bai di akuerdo pa tratamentu ku kontenido dia 6 di yüli 2018 pa 09:30 or.
Durante tratamentu awe Fiskal a konfirmá ku a surgi informashon nobo ku ta rekeri mas investigashon i pa wanta e tratamentu ku kontenido. Entre otro Fiskal a bisa den Korte ku a presenta dos (2) sospechoso nobo ku, segun Fiskal, ta envolvi den e kaso aki. Nan ta e hombernan “Pushi” G. i R.C. Tambe un testigu nobo a presenta ku mas informashon ku ta importante pa e investigashon, di akuerdo ku Fiskal.

Advertisements
error: Content is protected !!
%d bloggers like this: