Advertisements

Rich Kalash di tur manera lo a presentá djabièrnè riba Kleine Werf

Decoded ta aklará e situashon di nan artista:
Rich Kalash di tur manera lo a presentá djabièrnè riba Kleine Werf

WILLEMSTAD/ Despues ku Decoded a tuma nota di deklarashonnan di sr. Felida durante di konferensia di prensa relashoná ku kanselashon di Curaçao Ponton Festival, ta nesesario pa splika e situashon di nan artista Rich Kalash. Ta’sina ku djarason mainta miéntras ku Rich ta na Schiphol, pa abordá su biahe pa Kòrsou, e’la wòrdu pará na imigrashon pa motibu di un ‘boet’ ku e tin habrí for di aña pasá. Pa motibu di negligensia i un skedjùl drùk, Rich no a logra paga e boet aki i konsekuentemente a wòrdu detené na Schiphol pa falta di pago. Mesora, Decoded a drenta den kontakto ku su ofisina di abogado Murray Attorneys At Law ku a traha den estrecho koperashon ku Spong Advocaten na Hulanda i a logra den 1 dia un suspenshon di e ‘straf’ pa Rich Kalash presentá durante di e festival. Mesora a boek su ticket pa e bula djabièrnè mainta ku yegada djabièrnè 4’or di atardi. Di tur manera Decoded a kumpli ku kontrato i palabrashon ku e organisashon di SuMusica BV.

Rich Kalash ta keda un urban artist ku ta pusha e límitenan i ta mantené su posishon komo un di e rappernan mas kontraversial den farándula. Kiko ta distinguí Rich Kalash for di sobra? Su nivel di kurashi kisas? Su persistensia den konta un historia real sin pretenshon? ‘Kas den Mondi’- te’sun di mas nobo pa Rich Kalash bou di e seyo di Decoded i ta alkansá 353,000 views den un luna di tempu. Por sigui Rich riba instagram i snapchat. Fanátikonan por mira e videoclip nan di Rich Kalash i tur artista di Decoded riba e Youtube Channel @decodedofficial òf solisitá e track na nan radio preferí. Ademas, por stream riba ITunes, Spotify, Google Play i Apple Music.

Advertisements
error: Content is protected !!
%d bloggers like this: