Advertisements

Na Sentro di bario Souax  Bon asistensia pa interesante charla  “E REALIDATNAN DI KRIO DI BAKA NA KÒRSOU”

Na Sentro di bario Souax  Bon asistensia pa interesante charla 

“E REALIDATNAN DI KRIO DI BAKA NA KÒRSOU”       
                                                

Fundashon Pro Souax i Sentro di bario Souax  kontinuando ku nan esfuerso pa krea oportunidat pa habitantenan haña informashon riba entre otro tópikonan di aktualidat, resientemente a organisá un charla riba e tópiko : “E REALIDATNAN DI KRIO DI BAKA NA KÒRSOU”.
Un públiko grandi, entre nan algun parlamentario i tambe un minister a reakshoná riba e invitashon pa a bin skuchá inisiadónan di e proyekto sr Arthur Parris i sr. Ramon Troconiz amplia riba detayenan di diferente aspekto di e proyekto di Curafresh Meat NV.
Presidente di Fundashon Pro Souax sr. Juny Sluis a fungi komo moderadó i a guia e totalidat di tal manera ku e oradónan tabatin sufisiente posibilidat pa splika tokante e proyekto mientras ku di otro un banda e públiko presente a haña amplio oportunidat pa a hasi pregunta i duna su opinion, pero tambe pa haña kontesta riba nan preguntanan.
Mirando e kantidat di persona ku a asistí, e informashonnan ku a bin dilanti i tambe e ekspreshonnan di satisfakshon di parti di e públiko ku a presensiá e aktividat, Fundashon Pro Souax i Sentro di bario Souax por wak bèk riba otro eksitoso aktividat.

Riba e portètnan:

Advertisements
error: Content is protected !!
%d bloggers like this: