Advertisements

Minister Stef Blok di Relashonnan Eksterior di Reino a hasi un bishita na Parlamento di Kòrsou.

Ayera mainta 5 di aprel 2018 Minister Stef Blok di Relashonnan Eksterior di Reino a hasi un bishita na Parlamento di Kòrsou. Minister Blok i su delegashon a keda risibí dor di Visepresidente di Parlamento sra. Giselle Mc William i Parlamentaria sra. Marilyn Moses. A interkambiá ku e Minister riba diferente tópiko, manera por ehèmpel e situashon na Venezuela i e miembresia di Reino den Konseho di Seguridad di Nashonnan Uní (VN-Veiligheidsraad).

Pa loke ta e punto di Venezuela a para ketu na e konsekuensianan di e situashon na Venezuela pa Kòrsou i kon konhuntamente den Reino nos por trese solushon pa Kòrsou.

Pa loke ta trata e punto di miembresia di Reino den Konseho di Seguridad di Nashonnan Uní sra. Mc. William primeramente a felisitá Reino pa su miembresia i a papia ku e delegashon riba e envolvimentu di Kòrsou durante e periodo di miembresia aki ku énfasis riba kambio di klima i seguridat den nos region.

 

Advertisements
error: Content is protected !!
%d bloggers like this: