Advertisements

PARLAMENTARIO DI ARUBA SR. CROES I SR. VROLIJK TA BISHITA ZONA EKONÓMIKO DI KÒRSOU PA PONE NAN MES NA ALTURA DI AVANSENAN DEN NOS ZONANAN EKONÓMIKO

PARLAMENTARIO DI ARUBA SR. CROES I SR. VROLIJK TA BISHITA ZONA EKONÓMIKO DI KÒRSOU PA PONE NAN MES NA ALTURA DI AVANSENAN DEN NOS ZONANAN EKONÓMIKO

Willemstad 4 di aprel 2018 – Parlamentarionan di Aruba Sr. Endy Croes i Sr. Edgar Vrolijk resientemente a hasi un bishita na nos Curaçao Industrial and International Trade Development Company N.V (Curinde) pa pone nan mes na altura di e avansenan den nos Zonanan Ekonómiko.  Banda di risibí un presentashon elabora, tokante di e.o. funshonamentu, proseduranan, lei i eksigenshanan moderno na kua un Zona Ekonómiko mester kumpli kun’é hoy en dia, e parlamentarionan a hasi un bishita na nos Zona Ekonómiko na Hato.

Parlamentartionan Croes i Vrolijk a keda satisfecho di e desaroyonan ku nan por a tuma nota di dje.  Ambos a ekspresá e deseo pa tin un koperashon mas estrecho entre e operadó i manehadó di e Zonanan Ekonómiko di Aruba i Kòrsou.  Curinde di su banda e ekspresá e deseo di yega na akuerdo afin ku huntu Kòrsou i Aruba por subi e merkado Karibeño enbuska di mas negoshi.   E Parlamentarionan di Aruba a bisa di lo aserká Minister di Ekonomia di Aruba ku e sugerensha pa bishita e Zona Ekonómiko di Kòrsou i pone su mes na altura di e desaroyonan i mas aleu wak kon Aruba i Kòrsou por koperá ku otro direkshon Karibe.

Riba foto athuntu di robes pa drechi:  Giovanni Boekhoudt (Curinde), Edgard Vrolijk, Sra. Jacqueline Jansen (Direktor Curinde), Endy Croes, Daniel Oleana (Curinde) i Fiorina Hernandez (Curinde).

Advertisements
error: Content is protected !!
%d bloggers like this: