Advertisements

LUSNAN DI TRÁFIKO NA KRUSADA CAS CORAWEG/ DOORMANWEG TA FOR DI SERVISIO.

LUSNAN DI TRÁFIKO NA KRUSADA CAS CORAWEG/ DOORMANWEG TA FOR DI SERVISIO.

Willemstad – Ministerio di Tráfiko, Transporte i Planifikashon Urbano huntu ku Servisio pa Obra Públiko (OW) ta informá komunidat ku e lusnan di tráfiko na Mahaai na altura di e krusada Cas Coraweg / Doormanweg ta for di servisio pa algun dia kaba.

Servisio pa Obra Públiko a konstatá ku un piesa lo a daña i ku lo dura un ratu pa remediá esaki. Pues pa un periodo e lusnan di tráfiko n’e sitio aki ku ta e krusada Cas Coraweg / Doormanweg lo ta for di servisio.

Servisio pa Obra Públiko (OW) ta pidi komunidat pa tene kuenta na e krusada aki i kore ku èkstra koutela pa evitá kualke inkumbinensia.
Téknikonan lo traha mas efisiente posibel pa rápidamente remediá e situashon.

Pa mas informashon por tuma kontakto via e number +5999465-1477. Tambe por manda Whats app na number di telefòn +5999511-8582 òf por manda e-mail na info.vvrp@gobiernu.cw.

Advertisements
error: Content is protected !!
%d bloggers like this: