Advertisements

KOMUNIKADO DI KUERPO POLISIAL KÒRSOU Detenshon pa violashon di Lei di Opio i maltrato.

KOMUNIKADO DI KUERPO POLISIAL KÒRSOU
148 / 2018
3 aprel 2018

Detenshon pa violashon di Lei di Opio i maltrato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 3 di aprel 2018, alrededor di 11.03 or, Sentral di Polis a risibí notifikashon di un kaso di hinkamentu ku a tuma lugá na un hotel den área di Otrabanda.
Na yegada di e patruya polisial na e sitio nan a bai den un kamber di e hotel i a topa ku un dama i un hòmber ku tabatin un kòrtá chikí na su garganta. For di un investigashon preliminar ku polis a hasi na e sitio, a resultá ku e dama tabatin e intenshon di hinka su amigu ku un sker na su garganta, pero e no a logra esaki. Den e kamber polis a haña i konfiská un estuche konteniendo algun saku chikí di mariwana. Tambe a haña i konfiská un saku chikí lorá ku mariwana aden riba un mesa den e kamber. Na e sitio polis a detené e hòmber J.C.L. nasé na Kòrsou di 40 aña di edat, pa violashon di Lei di Opio i e dama T.M.L.C. nasé na Kòrsou di 21 aña di edat, pa violashon di Lei di Opio i maltrato.
A presentá e sospechosonan dilanti un Fiskal Ouksiliar.

Advertisements
error: Content is protected !!
%d bloggers like this: