Advertisements

Dios ta hasi kosnan ekselente 2018

Dios ta hasi kosnan ekselente 2018

Willemstad- Un públiko grandi a sa di asistí na e edishon di Dios ta hasi kosnan ekselente 2018, organisá pa Iglesia House of Worship, selebrando e echo ku Kristu Hesus a resusitá. Hendenan a yega masalmente pa eksperensiá e kosnan ekselente ku Dios a hasi i ta hasiendo den bida di hende.
Rumannan a konta testimonio di kosnan ekselente ku Dios a hasi pa nan i a enfatisá ku Dios por hasié pa kada un. Tabatin alabansa i ekspreshonnan na Dios di diferente forma artístiko manera baile, poesia, mímika i drama.
Den e drama por a mira e historianan ‘E yu di Jairo’ i ‘E muhé ku derame di sanger’, ku ta demostrá Hesus Su poder di hasi milager kasi 2000 aña pasá. Na final di e sirbishi vários hende a eksperensiá e mesun poder di Hesus pa medio di sanashon ku a tuma lugá.
Lo tin un ripitishon di tur loke a tuma lugá riba e anochi akí. E lo ta riba djadumingu 8 di aprel pa 10 or di mainta, na Iglesia House of Worship, Erosweg 52. Entrada ta grátis.

 

Advertisements
error: Content is protected !!
%d bloggers like this: