Advertisements

Aksidente ku morto

Aksidente ku morto
Hermana isla Bonaire ta konosé su di 3 morto den trafiko na momentu ku djaluna 2 di aprel 2018, den oranan di marduga, un aksidente di auto ta kosta bida di un persona.
Algun minüt promé ku 4or di marduga, sentral di polis a risibí notifikashon ku un aksidente a tuma lugá riba kaminda di Sorobon. Shofer di un auto di famia a pèrdè kòntròl riba su stür na momentu ku el a sali for di Sorobon. E vehikulo ku tabata tin 2 persona aden, a bòltu den barankanan ku tin kantu di kaminda. E dama ku tabata pasahero den e vehikulo a resultá serio heridá i a keda transportá ku urgensia pa hospital. E kabayero ku tabata manehá e vehikulo, a keda pegá den e vehikulo. Ku yudansa di kuerpo di bombero a logra saka su kurpa for di e vehikulo. Personal di ambulans ku tabata presente na e sitio, no por a hasi nada mas pa e viktima komo ku e no tabata reakshoná mas. Dr. Lont na su turno a konstatá morto di e viktima E. Martina, nasé na Kòrsou dia 17 di yanüari 1992. Investigashon den e kaso aki ta kontinuá pa por dedusí eksaktamente ta kiko tabata kousa di e aksidente lamentabel aki.
Pas na alma di e defuntu. Forsa na famianan
Advertisements
error: Content is protected !!
%d bloggers like this: