Advertisements

KOMUNIKADO DI KUERPO POLISIAL KÒRSOU Resúmen di kòntròl polisial durante Siman Santu

KOMUNIKADO DI KUERPO POLISIAL KÒRSOU
144 / 2018
29 mart 2018

Resúmen di kòntròl polisial durante Siman Santu

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Durante e periodo di Siman Santu polis a sigui ku kòntròlnan dirigí i general na diferente sitio riba nos isla.
Djaweps i djabièrnè respektivamente 29 i 30 mart 2018 a kontrolá na e parti:
1. Ost(Pariba)di nos isla un total di 75 outo i a parti 20 prosèsverbal pa e siguiente infrakshonnan:
manehá un vehíkulo sin faha di seguridat 5
manehá un vehíkulo sin reibeweis bálido 5
manehá un vehíkulo sin karchi di kùr 1
manehá un vehíkulo sin seguro bálido 3
manehá un vehíkulo sin number di outo pagá 5
Papia na telefòn selular 1

 Durante di e kontròl aki polis a konfiská un arma di kandela i a detené tres(3) hòmber sospechoso pa posishon di arma di kandela.
 Na e playa di Caracasbaai un señora pa un motibu ku te na e momento aki ta deskonosí, a guli hopi awa durante ku e tabata landa. A saké for di awa i ambulans a duné promé asistensia pa despues transpoté pa Poliklínika de SEHOS.

Durante di patruyahe a pone hopi atenshon na e parti preventivo tambe.

2. Wèst(pabou) di nos isla un i a parti un total di 56 prosèsverbal pa e siguiente infrakshonnan:
manehá un vehíkulo sin faha di seguridat 6
manehá un vehíkulo sin reibeweis bálido 9
manehá un vehíkulo ku un reibeweis ku no por lesa 1
manehá un vehíkulo sin seguro bálido 5
manehá un vehíkulo sin karchi di kùr 4
manehá un vehíkulo sin number di outo pagá 17
manehá un vehíkulo sin number di outo pegá dilanti 11
manehá un vehíkulo sin number di outo pegá patras 1
manehá un vehíkulo ku glas skur dilanti 1
manehá un vehíkulo sin ku e lusnan di brek ta funshoná 1

 Durante di e kòntròl aki a pone atenshon riba (mal)uzo di alkohòl. Personal di Mareshosé(Marechaussee) a laga diferente shofùr supla den e aparato di kòntròl. A haña indikashon ku kuater(4) shofùr tabata bou di influensia di alkohòl. Despues di un investigashon mas profundo a resultá ku nan no a surpasá loke ta pèrmití.
 Personal di Ministerio Públiko tambe tabata presente i a kobra personanan ku ta debe but. A topa kuarenta i sinku (45) persona ku debe but i a logra kobra trinta (30) di e personanan aki i e diesinku (15) otronan a yega na un akuerdo.
 Alrededor di 12.00 polis a detené un homber sospechoso R.B. den área di Westpunt. tabatin un òrdu di detenshon di fiskal di Ministerio Públiko. E ta sospechá di a kometé ladronisia.
 Na altura di Parke Himno i Bandera tabatin un dalmentu ku herido. Shofùr di un outo a pèrdè kòntròl i a bai dal den un palu di lus. E Shofùr tabata keha di doló na su lomba i den su pechu. Ambulans a trasportá e víktima pa Poliklínika pa tratamentu médiko.
Kuerpo Polisial por lo general ta satisfecho ku komportashon di públiko te na e momento aki.

Advertisements
error: Content is protected !!
%d bloggers like this: