Advertisements

Orashon djasabra 31 di mart 2018

Orashon djasabra 31 di mart 2018

‘Òf ta lubidá boso a lubidá ku esnan ku a uni ku Kristu-Hesus pa medio di boutismo, a uni kunÉ den su morto? Ke men ku pa medio di nos boutismo nos tabata derá i a muri huntu ku Kristu, pa meskos ku El a keda lantá for di morto pa medio di poder glorioso di Tata, nos tambe lo ta lantá for di morto pa biba un bida nobo. Si nos a uni ku Kristu den morto, nos lo uni kunÉ tambe den resurekshon. Nos sa ku e hende ku nos tabata ántes a keda krusifiká huntu ku Kristu, pa kibra forsa di deseo pa hasi piká i pa nos no ta katibu di piká mas. Pasobra ora un hende muri di e manera akí, e ta librá di poder di piká. Unabes ku nos a muri huntu ku Kristu, nos tin fe ku nos lo biba huntu kunÉ tambe. Pasobra nos sa ku unabes ku Dios a lanta Kristu for di morto, lo E no muri mas. Morto no tin dominio riba djE mas, pasobra ora Kristu a muri, El a muri esun bia ei i no ta muri mas, enkuanto piká. Awor ku E ta biba, E ta biba pa Dios. Meskos boso tambe, sigur sigur, mester konsiderá boso mes morto pa piká, pero bibu pa Dios, ya ku boso ta uní ku Kristu-Hesus. ‘ Romanonan 6:3-11

Advertisements
error: Content is protected !!
%d bloggers like this: