Advertisements

Minister di Enseñansa, Siensia, Kultura i Deporte sra Marilyn Alcalá-Wallé: Un studiante mester sa adelantá kuantu debe e ta dispuesto pa paga bèk na final di su estudio!

Un studiante mester sa adelantá kuantu debe e ta dispuesto pa paga bèk na final di su estudio!

Willemstad- durante diferente interkambio ku Minister di Enseñansa, Siensia, Kultura i Deporte sra Marilyn Alcalá-Wallé ta teniendo ku personanan den komunidat tokante derechi di estudio, e fiansa ku ta hasi i e obligashon di pago bek di debe di estudio, e mandatario ta hasi alabes e pregunta: kuantu ta dispuesto pa paga bek pa luna pa baha e debe.

Aki ta sigui un ehèmpel:
Si bo ta dispuesto pa paga fl 500,00 bek pa luna esei ta nifiká ku pa aña bo ta paga 12 x 500,00 ku ta fl. 6000,00 , ya ku un aña tin 12 luna.

Laga nos no konta interes den e kalkulashonnan aki. Ya e ta keda simpel.

Na e momento aki bo tin ku paga bo debe bek na SSC den 15 aña. Korda ku den e kaso aki e studiante ta dispuesto pa paga fl 500,00 bek pa luna. Esei ta nifika e ora ei ku bo por fia maksimalmente 15 x fl 6000,00 ku ta fl 90.000,00

Si nos konbertí e fl 90.000,00 na dollar, esaki ta nifiká ku bo por fia maksimalmente $ 49.450,00 pa hasi bo estudio kompleto.

Kuantu abo ta dispuesto pa paga bek pa luna ora bo stop di studia? Awel konta mesora kuantu ta responsabel pa bo fia!

PS:
Esaki ta un kalkulashon simpel sin a tene kuenta ku e interes ku tin ku paga ora fia plaka. Ora tuma e interes aserka e suma ku por fia ta bira basta menos.

Advertisements
error: Content is protected !!
%d bloggers like this: