Advertisements

Yen yen data, Mas yamada! Digicel ta introdusí LTE Prepaid Plans

Yen yen data, Mas yamada!

Digicel ta introdusí LTE Prepaid Plans

WILLEMSTAD: Esaki ta un tremendo notisia pa klientenan Prepaid di Digicel. Tur plan ta oumentá na data i minüt di yamada! Sr. Kevin Kelly, CEO di Digicel ta konfirmá esaki bisando ku Digicel ta desaroyando den gran forma i di akuerdo ku e petishon di kliente. “E manera kon klientenan ta usa data ta kambiando drástikamente. Kòrsou ta konosiendo un eksploshon den e demanda di data. Un kresementu enorme. Ku introdukshon di LTE klientenan a kambia awor pa smartphone ku ta manehá diferente Apps,  ya ku esaki ta e manera mas kunbiniente. Uso di Apps pa video i plataformanan sosial ta esnan mas usá. Nos plannan nobo sigur lo benefisiá tur kliente Prepaid di Digicel.”

Tur plan di Digicel ta inkluí Rollover, Whatsapp Messaging i bo plataforma di Social Media faborito- grátis. Por skohe, Facebook, Instagram, Snapchat òf Twitter. E plannan di data i yamada ta inkluí tambe yamada i SMS ilimitá pa tur number di Digicel. Tur plan, LTE Bundle òf Data Plan ta optenibel  pa  1, 3, 7, òf 30 dia.  Skohe e plan ku ta ‘fit’ ku bo estilo di bida.  Un LTE Bundle di 1 dia, ta inkluí 300MB data, yamada ilimitá pa numbernan di Digicel, WhatsApp grátis i bo Social Media faborito.  Tuma nota; kumpra via di My Digicel semper lo resultá mas benefisioso! Un LTE data Plan di 3 dia ta inkluí 1,500 MB na lugá di 500 MB i e  LTE Bundle di 30 dia ta inkluí 18 GB na lugá di e 6 GB.  Download My Digicel App, e ta kumbinibo i e ta grátis!

 

Yen yen data, Mas yamada #KosGrandiTaPasando

Ku lansamentu di e LTE Prepaid Plans Digicel ta konfirmá ku kosnan grandi ta pasando. E kliente lo sinti esaki tambe durante di e próksimo temporada na diferente evento. “Nos klientenan a bisa nos loke nan ke. Nunka ántes tantu megabait a keda ofresé den un pakete i plannan ku ta asina simpel, flèksibel i ekonómiko pa e kliente. Dor di agregá un montante grandi di data na tur nos plannan, nos ta kumpliendo ku petishon di nos klientenan. ”, asina sr. Kelly, CEO di Digicel a finalisá. Pa mas informashon por bishitá e página di Facebook di Digicel www.facebook.com/DigicelCuracao of www.digicelcuracao.com

 

Advertisements
error: Content is protected !!
%d bloggers like this: