Advertisements

KOMUNIKADO DI KUERPO POLISIAL KÒRSOU Detenshon pa ladronisia.

KOMUNIKADO DI KUERPO POLISIAL KÒRSOU
140 / 2018
28 mart 2018

Detenshon pa ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 28 di mart 2018, alrededor di 11.08 or, Sentral di Polis a risibí notifikashon ku
deskonosinan a kita tayer for di un outo ku tabata stashoná riba un lugá pa stashoná outo
na Pater Eeuwensweg. Tambe a drenta e informashon ku e sospechosonan a bai for di e
sitio ku e tayernan den un outo shinishi. Un patruya a señalá e outo den kua e
sospechosonan a hui, na Yotin Kortá. Polis a duna shofùr di e vehíkulo òrdu pa para pa un
kontrol. Durante kontrol den e vehíkulo polis a haña tres tayer probablemente prosedente
di e ladronisia ariba menshoná. Na e sitio polis a detené e hòmbernan:
 H.R.A. di 19 aña di edat;
 Y.H.M. di 21 aña di edat, ámbos nasé na Kòrsou, komo sospechoso di e ladronisia
ariba menshoná. A konfiská e tayernan i tambe e vehíkulo pa mas investigashon.
A presentá e sospechosonan dilanti un Fiskal Ouksiliar ku a ordená nan enkarselamentu
pendiente di mas investigashon.

Advertisements
error: Content is protected !!
%d bloggers like this: