Advertisements

Informashon importante pa tur esnan ku ta bishitá playa durante Siman Santu

Informashon importante pa tur esnan ku ta bishitá playa durante Siman Santu

Willemstad – E siman aki ta Siman Santu i  pueblo ta preparando pa bai pasa algun dia na nos playanan. Den kuadro di esaki,  Ministerio di Salú, Medio Ambiente i Naturalesa (GMN) a hasi tur preparashon nesesario i nos ta pidi pueblo pa tuma nota i tene kuenta ku lo siguiente.

Ministerio di GMN den kuadro di  ‘Operashon Semana Santa 2018’ ta bai hasi uso di polisnan di medio ambiente na playanan públiko pa garantisá seguridat.

E personal lo indiká usuarionan entre otro:

unda i kon por stashoná outo pa tráfiko no stagna;

pa no tira  sushi riba playa òf den laman;

áreanan designá pa grel;

unda tira karbon.

E personal lo ta uniformá i lo ta visibel pa tur usuario di playa. Na playa di Santa Cruz, Caracasbaai, Kenepa Grandi i Chikí lo tin personal stashoná huntu ku e seguridat di tur dia. Pa e otro playanan tin personal ku ta kore regular pa kontrolá na e diferente  playanan.

E personanan aki ta traha den estrecho koperashon ku Polis pa asina garantisá ku un i tur ku ta bishitá nos playanan por tin un Siman Santu den reflekshon i ku seguridat.

Alabes manera tur aña, lo pone tualètnan portátil na vários playa i tambe kònteiner di sushi grandi pa garantisá ku nos playanan ta keda limpi. Un petishon ta bai na tur ku ta bai playa,  pa bai ku saku di sushi pa tira bo sushi aden i pone esaki den e kònteinernan. No ta permití pa tira restu di kuminda riba playa tampoko den laman.
REGLA PA GREL

➢ Den kuadro di ‘Operashon Siman Santu’ Ministerio di GMN ta enfatisá ku no ta
permití pa grel riba playa. Na diferente playa manera Kenepa Grandi i Daaibooi tin
áreanan   designá pa grel i grelnan traha pa públiko.

➢ Bou di ningun sirkunstansha ta permití pa pone blòki riba playa i sende karbon.
Ministerio di GMN a pone barínan di heru spesial pa tira karbon kayente aden na
playanan públiko, kual nan ta rekohé regularmente.

➢ Por grel den áreanan designá pa esaki no forma molèster di huma pa otronan. Un
petishon ta bai na pueblo en general pa yuda tene nos playanan limpi di karbon i
desgrasia ku hende ku ta kima pia.

SALU DI HENDE, HIGIENA I KUMINDA

➢ Ministerio di Salubridat, Medio Ambiente i Naturalesa ta pone énfasis riba vários
punto importante ku tin di haber ku salú di hende, higiena i kuminda, konsumo
personal òf pa   benta na públiko, bo seguridat personal riba playa i kuido di nos
playanan.

➢ Konforme lei, tur persona ku ta prepará i  bende alimento i kos di bebe ku públiko
mester tin nan karchi di kùr bálido serka nan.

➢ Solo i kalor por tin influensia grandi riba salú di hende p’esei ta importante pa e.o.
bebe sufisiente awa i hunta krema ku faktor haltu di protekshon kontra solo.

➢ Lo sòru pa nos playanan ta limpi i ta pidi pa tene esakinan keda limpi, p’esei ta bai
pone mas kònteiner di sushi na e diferente playanan pa e periodo aki.

➢ Fundashon Kuido di Ambulans lo tin unidat ta kore na e diferente playanan i
atrakshonnan turístiko. Den kaso di urgensha no akudí na e pòst di Ambulans, pero
yama 912.

 

PUNTONAN PA TENE KUENTA

➢ Bo salú i di bo yu ta bo responsabilidat. Bebe hopi awa, hunta sunblock etc.

➢ Kuminda i higiena ta importante, no kumpra kos unda ku ta i tapa kuminda ora ta
transport’é.

➢ pa bo seguridat personal riba playa, evitá bebida na bòter riba playa, tene kuenta ku
molèster di huma i kayente riba playa ora ta grel etc.

➢ Kuida nos Medio Ambiente i Naturalesa. Grel den áreanan designá pa esaki i  basha
e karbon den barínan marká ‘KARBON’.

➢ No tira sushi riba playa, no tira kùp i bòter den laman, en general no susha nos
playanan i laman.

 

Advertisements
error: Content is protected !!
%d bloggers like this: