Advertisements

Entrega ofisial pèrmit di konstrukshon enkuanto renobashon di Plasa Bieu dor di Ministernan Steven Martina i  Zita Jesus –Leito

Entrega ofisial pèrmit di konstrukshon enkuanto renobashon di Plasa Bieu dor di Ministernan Steven Martina i  Zita Jesus –Leito

Fundashon Marshe a kuminsá ku preparashonnan pa renobashon di Plasa Bieu ku finansiamentu di Ministerio di Desaroyo Ekónomiko. E ofisina di arkitekto i ingeniero PLAN’D2 a traha e plan di mantenshon i renobashon.  Aspektonan manera higiena, ventilashon di bientu, iluminashon, durabilidat i seguridat ta haña atenshon. Ta bai usa material ku ta mas fásil pa mantené Plasa Bieu limpi ku entre otro un  flur nobo higiéniko sin natchi. Otro kambionan ku lo bai tuma lugá ta lo siguiente:

  • drecha sistema di chupa huma di karbon.
  • inkorporá ventilashon natural den dak pa airu mas fresku por sirkulá den e edifisio.
  • mehorá nivel general di iluminashon ku lus natural via dak i ku iluminashon den àreanan di trabou.
  • konstruí un konekshon ku riol públiko pa medio di tanki séptiko, pa evitá ku awa sushi ta keda pega.
  • Ta bai konstruí un tualèt separá pa personal.
  • Lo enfatisá entradanan na fachada prinsipal .
  • Renová sistema di koriente.

Djarason dia 28 di mart  a tuma lugá otorgamentu ofisial di e pèrmit pa konstrukshon den presensia di Minister Steven Martina di Desaroyo Eknómiko i Minister Zita Jesus -Leito Minister di Tráfiko, Transporte i Planifikashon Urbano. E akto seremonial aki a  tuma lugá dilanti Plasa Bieu den presensia di diferente invitado di Ministerio di VVRP i tambe MEO. E arkitekto di D2 Sr. Abbath kenda a diseñá e renobashon tambe tabatei presente i a dirigi algun palabra.

Durante e periodo di konstrukshon kushinanan di Plasa Bieu lo keda habri pa públiko, pero nan lo ta ubiká temporalmente den Marshe Nobo ariba.

Advertisements
error: Content is protected !!
%d bloggers like this: