Advertisements

Entrega di pèrmit di konstrukshon na Plasa Bieu.

Entrega di pèrmit di konstrukshon na Plasa Bieu.

 

Willemstad – Minister Zita Jesus Leito huntu ku Servisio pa Planifikashon Urbano (ROP) a hasi entrega di pèrmit di konstrukshon pa renobashon di plasa bieuw. E proyekto aki ta di impakto ekonomiko grandi i tambe ku balor emoshonal i kultural pa nos pais Kòrsou.

 Fundashon Marshe, ta bai alsa kalidat di servisio pa kada persona ku hasi uso di plasa. Agradabel ta tambe pa esnan ku ta kushina pa mehora nan kalidat i ambiente. Pa logra e meta aki e departamentu di ROP a duna permit  pa renobashon kompleto di e edifisio di plasa. E renobashon ta ensera entre otro repartishon nobo di kushina, afzuigkap pa mantene plasa fresku, tambe plasa lo risibi un dak nobo. Lo mantene autentisidat di nos Marshe Bieu komo un lokalidat úniko den nos sentro di siudat ku ta ofrese nos platonan krioyo na nos habitantenan i nos turistanan.

Durante di e tratamentu di e pèrmit di konstrukshon ROP a envolvi, entidatnan di gobiernu manera Brantwer Korsou, e arkitekto di PLAN’D2 sr. Abad konhuntamente  logra pa e proyekto aki por risibi su permit di konstrukshon mas lihe posibel.  Minister Zita Jesus Leito ta sumamente kontentu ku tipo di proyektonan di importansha na desaroyo i progreso di nos pais Korsou.

Pa mas informashon por tuma kontakto ku ROP via e number +5999433-3200. Tambe por manda Whats app na number di telefòn +5999511-8582 òf por manda e-mail na info.rop@gobiernu.cw.

Advertisements
error: Content is protected !!
%d bloggers like this: