Advertisements

Situashon di venezuela ta okashoná gastunan inesperá pa kòrsou

Situashon di venezuela ta okashoná gastunan inesperá pa kòrsou

Willemstad – Diariamente Gobièrnu di Kòrsou ta traha riba e efektonan ku e situashon na Venezuela tin riba nos pais. Outoridatnan polisial ta traha riba un proyekto di alehamentu di 63 hende di nashonalidat Venozolano, ku ta detené den Sentro Di Detenshon Kòrsou (SDDK). Ta trata di hende sin pèrmit di estadia legal ku, segun tratadonan internashonal i leinan lokal, por bai nan pais bèk sin peliger pa nan bida. Ainda ta sobra 10 hende ku nashonalidat Venezolano den SDDK di kua e investigashon di nan situashon no a finalisá ainda.

E nesesidat pa manda e grupo di 63 bai a bira mas agudo pa motibu ku e detenidonan Venezolano awe mainta a kibra diferente sèl i a asta kima kolchon. Konsekuensha di esaki ta ku awor tin asta ménos espasio pa sera estranhero indokumentá. Baraknan nobo ku mester duna mas espasio no ta kla ainda. No tin fondo nesesario tampoko ainda pa traha riba un sentro di akohida mas adekuá pa hende indokumentá. No ta e promé biaha tampoko ku e grupo di detenido ta destrui pertenensianan i infrastruktura di SDDK. Esaki ta trese gastu inesperá kune.

Advertisements
error: Content is protected !!
%d bloggers like this: