Advertisements

Ku e seminario titulá  “Ban saka mihó potensial di bo negoshi”, Bo Banko Amigu ta sigui kontribuí na e sektor di Empresa Chikí.

Ku e seminario titulá  “Ban saka mihó potensial di bo negoshi”, Bo Banko Amigu ta sigui kontribuí na e sektor di Empresa Chikí.

 

WILLEMSTAD – Maduro & Curiel’s Bank su Departamento di Empresa Chikí (Small Business Banking) tin un kompromiso ku e sektor di Empresa Chikí i p’esei Bo Banko Amigu ta sigui sostené tur aktividat ku por kontribuí na informá, yuda i guia nos empresarionan. Resientemente Bo Banko Amigu i Konsehero a organisá un seminario kombiná ku desayuno pa doñonan di negoshi chikí titulá  “Ban saka mihó potensial di bo negoshi”. Esaki a tuma lugá na Landhuis Chobolobo. E seminario tabata spesialmente pa klientenan di Bo Banko Amigu ku ta doñonan di negoshi chikí ku tin un mínimo di 1 aña di eksistensia. Empresarionan por a haña informashon miéntras ku nan a disfrutá di un desayuno sukulento di Cravings den kompania di gerensia di MCB.

Oradornan di e seminario tabata sra. Thonysha de Sousa – Manager Credit na Maduro & Curiel’s Bank – ku a elaborá riba e tópiko Maneho di Cash Flow,

sra. Cristina de Freitas Brás – Senior Manager Tax na Ernst & Young Tax Advisor – a duna presentashon riba  Aspektonan importante di Belasting i sr. Alexander Galarraga – CEO, SPIN Internet Media – a duna un  presentashon riba Importansia di Komunikashon Digital.

Ku e presentashon aki Bo Banko Amigu un biaha mas ta duna su aporte na desaroyo di Empresarionan Chikí. Por spera mas seminario pa Empresarionan Chikí den futuro. Pa mas informashon riba e tópikonan di presentashon, empresarionan interesá por pasa na Plasa Jojo Correa # 2-4 serka e profeshonalnan di e Departamento di Small Business Banking di Bo Banko Amigu òf yama na 466-1241 pa un sita. Tambe e spesialistanan aki tei pa asistí ku tur nesesidat finansiero di nos empresarionan i ta ofresé un kantidat di produkto i servisio spesialisá pa kumpli ku e nesesidatnan di e Empresarionan Chikí.

 

22 di Mart, 2018

 

Foto 1.

Riba foto d.r.p.d. sr. Edward Martina (Account Manager MCB  i MC di seminario), sr. Chicu Capriles (Presidente di MCB) i e oradornan sra. Cristina de Freitas Bras (Senior Manager Tax na Ernst & Young Tax Advisor), sr. Alexander Galarraga (CEO, SPIN Internet Media),  sra. Thonysha de Sousa – (Manager Credit MCB) huntu ku sra. Nadessha Lourens (Manager Small Business Banking MCB).

 

Advertisements
error: Content is protected !!
%d bloggers like this: