Advertisements

KOMUNIKADO DI KUERPO POLISIAL KÒRSOU Detenshon pa Ladronisia.

KOMUNIKADO DI KUERPO POLISIAL KÒRSOU
138 / 2018
26 mart 2018

Detenshon pa Ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 25 di mart 2018, alrededor di 01.41, Sentral di Polis a dirigí un unidat polisial
den e área di Suffisant pa un kaso di ladronisia ku ta tumando lugá den un depósito.
Na yegada di e agentenan na e sitio nan a mira un hòmber, ora ku e hòmber aki a nota e
outo polisial el a alehá rápidamente for di e sitio. Den e depósito tabatin un otro hòmber,
na momento ku el a mira e patruya, e tambe a purba di alehá for di e sitio. Pero alrededor
di 02.30 or un otro patruya a logra di detené e sospechoso aki. Ta trata di e hòmber E.D.A.
nasé na Kòrsou di 26 aña di edat.
Kontinuando ku e investigashon, e agentenan a tuma nota ku e suhetonan aki a logra di
kibra i drenta den dos diferente depósito di meubel, kaminda ya nan a pone diferente di e
meubelnan aki, kla pa bai kune.
A presentá e sospechoso dilanti un Fiskal Ouksiliar ku a ordená su enkarselashon pendiente
mas investigashon.

Advertisements
error: Content is protected !!
%d bloggers like this: