Advertisements

Pa drecha enseñansa i logra 0-drop-out: Tur aktor mester aktua manera nan ta den un tim di futbòl!

Pa drecha enseñansa i logra 0-drop-out:

Tur aktor mester aktua manera nan ta den un tim di futbòl!

WILLEMSTAD – Resientemente durante un konferensia organisá pa UNESCO Curaçao tokante diferensia di género i su konsekuensianan pa e mucha hòmber ku ta kai prematuramente for di e sistema di enseñansa, e presidente di UNESCO Curaçao, sra. Marilyn Alcalá-Wallé a elaborá riba dos faktor: OFERTA i DEMANDA. Oferta ta lokual ta brinda na ENSEÑANSA i DEMANDA ta referí na lokual e hóben tin mester, teniendo kuenta ku e.o. su situashon familiar, sosial, antropológiko, medio ambiente i influenshanan di medionan di komunikashon.

Tambe sra. Marilyn Alcalá-Wallé a duna di konosé ku mester por hasi un analisis kua ta e interesnan di e mucha hòmber i tambe e mucha muhe pa por mantene na na skol. John Gray, un konsehero den relashon i outor di e buki “Men are from Mars, Women are from Venus, a duna di konosé ku tin un diferensia fundamental entre hende hòmber i muhé komo resultado di diferensia fundamental den diferensianan psikológiko i ta usa e título di e buki komo e metaforo di ku e dos sernan ta di un planeta diferente, ku nan mes planeta, sosiedat i kustumbernan. Ora konstatá diferensianan den enseñansa, mester tuma akshonnan pa por atendé mas mihó posibel ku e retonan i pa trese e balansa bèk. “Edukashon ta pinta alma na koló, pa habri porta pa futuro” segun sra. Marilyn Alcalá-Wallé .

Tambe a trata e tópiko di aserkamento di género. Den kuadro di esaki ta importante pa tene na kuenta ku e forma di aserkamentu i demanda di diferente e generashonnan:

X = generashon ku a nase despues di e epoká di “babyboom”. E grupo ku a nase entre aproksimadamente 1956 en 1985. (o entre 1961-1980)

Y = Generashon Y ta e susesor di generashon X i ta wordu definí por lo general den e periodo di mas o menos komo e epoka di 1982-2001. Millennials/ Milenionan

Z = finalmente nos ta den e epoka di Z; tur mucha i hóben ku ta nase entre 1992 i awor ta kai den e kategoria aki .Mihó konosí komo e I-Generation. “Tur kos ta Teknologia i Teknologia ta tur kos”. Nan ta “multitaskers” (nan tin un smartphone for di kua tur akshon ta tuma lugá: telefon, wekker, radio, tikmachine, televishon, lesa buki, kalkulá, hunga weganan digital, google map, medio di komunikashon, etc).

E “I- Generation” mester wòrdu konektá ku e abilidatnan di siglo 21: “21st Centruy Skills”

Pa ta eksitoso den siglo 21, muchanan i hóbennan mester siña mas ku lesa, skirbi, aritmétika i kompetensianan di kòmputer. Mester krea un mundu kaminda otro abilidatnan ta bai hunga un ròl determinante inkluyendo kompetensianan manera: komunikashon, kolaborashon, kreatividat, innovashon, solushon di problema, etc.

 

Finalmente sra. Marilyn Alcalá-Wallé a klousurá ku e siguiente dichonan: “Coming together is a beginning. Keeping together is progress. Working together is success.” -Henry Ford

“A successful team is a group of many hands and one mind.” Bill Bethel

Bisando esaki a hasi uzo un metáforo ku nos mester uni pa nos traha huntu pa logra kambio den enseñansa. Nos mester aktua manera e selekshon di futbòl ku a yega Kòrsou resientemente pa hunga den un tim pa saka kara di Kòrsou. Esei e pone ku simbólikamente tur presente a risibí un brel den forma di dos bala di futbòl pa nos wak e futuro kaminda nos ta uni forsa pa huntu trese e kambionan den enseñansa.

Advertisements
error: Content is protected !!
%d bloggers like this: