Advertisements

KOMUNIKADO DI KUERPO POLISIAL KÒRSOU Un detenshon pa maltrato.

KOMUNIKADO DI KUERPO POLISIAL KÒRSOU
136 / 2018
23 mart 2018

Un detenshon pa maltrato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 22 di mart 2018, alrededor di 23.21 or, Sentral di Polis a dirigí un patruya den e
área di Rancho na un kas, pa un kaso di maltrato.
Na yegada di e patruya na e sitio polis a topa ku e víktima, un hòmber di 21 aña di edat, ku
un korta na su elebog na man drechi.
For di un investigashon preliminar ku polis a hasi na e sitio e víktima a deklará na polis ku un
hòmber ku e konose sin ningun motibu a saka un kuchu i a zwai ku esaki den su direkshon,
ku e konsekuensia ariba menshoná. Despues di su akto e sospechoso a bandoná e sitio. E
víktima a bai su dokter di kas pa tratamentu médiko.
En konekshon ku e maltrato aki polis a bai na e kas di e sospechoso ku ta keda den mesun
área, pero no a haña e sospechoso na kas.
Siguiendo ku e investigashon, riba òrdu di Ministerio Públiko, awe 23 mart alrededor di
07.40 or, Polis a detené e hòmber sospechoso R.I.M. nasé na Kòrsou di 32 aña di edat .
Detenshon a tuma luga na su kas.
A presentá e sospechoso dilanti di un Fiskal Ouksiliar ku a ordená su enkarselashon
pendiente mas investigashon.

Advertisements
error: Content is protected !!
%d bloggers like this: