Advertisements

Entrega di pèrmit di konstrukshon na Damen.

Entrega di pèrmit di konstrukshon na Damen.

Willemstad – Minister di Tráfiko, Transporte i Planifikashon Urbano, señora Zita Jesus Leito huntu ku Servisio pa Planifikashon Urbano (ROP) a hasi entrega di pèrmit di konstrukshon na un proyekto ekonómiko di impakto grandi pa nos pais Kòrsou. E proyekto ekonómiko aki lo hasi Kòrsou úniko den Karibe i henter e hemisferio Latino Amerikano.

Damen Shiprepair Curaçao, DSCu, ta bai halsa kalidat i potensial di nan servisio den Caribe i tambe henter e hemisferio Latino Amerikano. Pa logra e meta aki nan a risibí nan pèrmit di konstrukshon pa por ekspandé 2 Dòk. Kada un dòk lo ekspandé ku un kapasidat enorme,  dòk C lo bira 230 x 45 meter i dòk D su kapasidat lo bira 108 x 23 meter. Esaki lo hasi nan úniko den nos region.

E proyekto aki ta repartí den 3 fase; e promé fase ta reparashon di e dòknan, ku lo tuma lugá na Damen Verolme Rotterdam, DVR. E siguiente fase ta pa transportá e dòknan for DVR pa DSCu. Esaki lo ta algu úniko mirando ku e ta un di e transportashonnan mas grandi na mundu. E transportashon  lo tuma lugá fin di Mart pa yega Korsou medio aprel di e aña aki. E último fase ta instalashon di e dòknan na Kòrsou, ku ta enserá kobamentu di e posnan i mehorashon di e infrastruktura eksistente.

Durante di e tratamentu di e pèrmit di konstrukshon, diferente entidat di Gobièrnu a tene debido kuenta ku diferente aspekto manera aspekto di naturalesa, seguridat den haf i tambe infrastruktura ku ta nesesario pa por akapará e trabounan grandi ku e dòknan aki lo bai hasi en konekshon ku trabounan di reparashon na barkunan.  E proyekto aki tin un impakto ekonómiko grandi pa Kòrsou, ya ku DSCu lo invertí mas ku 1mion florin den e konstrukshon. Minister Jesus Leito ta hopi kontentu ku e proyekto aki,  ya ku e trabounan di ekspanshon ta soru pa  Kòrsou ta den un posishon úniko den Karibe i hemisferio Latino Amerikano pa reparashon di barkunan grandi.

 

Pa mas informashon por tuma kontakto ku ROP via e number +5999433-3200. Tambe por manda Whats app na number di telefòn +5999511-8582 òf por manda e-mail na info.rop@gobiernu.cw.

Advertisements
error: Content is protected !!
%d bloggers like this: