Advertisements

Conference 21 march, 2018 Gender equality in schools: Inclusion & Unity Hopi man, un intenshon i un direkshon!

Conference 21 march, 2018 Gender equality in schools: Inclusion & Unity Hopi man, un intenshon i un direkshon!

 FECHA MEMORABEL I MOTIBU DI KONFERENSIA:
 21 mart Dia Internashonal kontra tur tipo di diskriminashon. E Deklarashon Universal di Derechi Humano (10 December 1948) ta un logro signifikante den historia di humanidat.
o Tur hende ta nase liber i igual den dignidat i derechi fundamental.
o Un di e derechinan aki ta ankrá den e Deklarashon menshoná (artikulo 26) i ta preskribí ku tur hende tin derechi riba edukashon.
o Edukashon mester ta gratis, por lo menos den e skolnan elementario i fundamental. Edukashon mester ta dirigí riba e desaroyo kompleto di un personalidat di kada ser humano irespekto ku e ta un hende muhé of hòmber.
o Por lo demas Nashonnan Uní a indiká ku mayornan tin e derechi alabes pa skohe e tipo di edukashon ku ta wòrdu duná na nan yunan (art. 26: 3).
 Pa nos komunidat por logra e meta makro manera stipulá dor di Nashonnan Uní, esta kumpli ku e derechi di edukashon, nos mester traha mas riba un sosiedat di inklushon i unidat pa nos por logra huntu.
 TEMA PA 2018 DI UNESCO:
 Tur aña di nobo riba fechanan memorabel, Nashonnan Uní ta promové un tema i ta hasi un apelashon riba tur pais, i sigur esnan afiliá i asosiá pa duna kontenido na e temanan ku ta ser proklamá;
 E tema di e aña aki en konekshon ku e Dia Internashonal kontra tur tipo di deskriminashon ta: “Promoviendo toleransia, inklushon, unidat i respèt pa diversidat den e konteksto di kombatí diskriminashon rasial”.
o Igualdat di género ta un derechi fundamental, un bloke ku ta konstruí hustisia sosial i un nesesidat ekonomiko.
o E ta e faktor krítiko pa por duna e base na desaroyo di e meta sostenibel “Edukashon di kalidat”, esta ”Sustainable Development Goal/SDG4”, ku UNESCO a vosifera den su Agenda “Education 2030 Framework for Action”. Wak den map un resumen di e metanan!!
 Metanan den enseñansa ku nos huntu mester sigui promové i konkretisá
 pa alsa e kalidat mas tantu posibel,
 teniendo kuenta alabes ku diferensianan di género den enseñansa i
 buskando e mihó formula pa atendé ku nan
o pa aña 2030, si nos wak meta 4.5. mester eliminá tur desparidat di género den edukashon i sigurá akseso igual na tur nivel di enseñansa i edukashon vokashonal pa esnan mas vulnerabel, inkluyendo personanan ku desabilidat i muchanan den situashonnan vulnerabel.
o E realidat mundial ta e 5 añanan tras di lomba no a kambia: segun sifranan di UNESCO Institute for Statistics (UIS) di 28 febrüari último: Mundialmente a mira 1 di kada 5 mucha, adolesente i hóben ta pafó di skol!!
o UNESCO ta informá su miembronan ku nos mester tin un aserkamentu muchu mas ampio i vasto i dirigí riba nos muchanan i hóbennan pa por garantisá ku ningun ta keda atras.
 P’ESEI AWE NOS TA UNI DEN UN KONFERENSIA KU E TĺTULO: “Igualdat di género den enseñansa: inklushon I unidat”
 Ta importante pa nos tur sa kiko eksaktamente ta meta di e konferensia aki
 Trese nos huntu;
 kompartí informashon i informá di e desaroyonan;
 risibí input pa evaluá i eventual modifiká maneho
 Igualdat den oportunidat ta importante pa kada un ser humano: sea hende homber of hende muhé!
 E palabranan inklushon i unidat ta mágiko: inklushon di esnan mas hóben te esnan di mas edat. Unidat pa nos por logra. Tur por kontribuí!
 LUS RIBA EDUKASHON AKI NA KÒRSOU
 Nos edukashon na Kòrsou ta situa den den un mundu di diversidat, manera nos programa di Gobernashon 2017-2021 “Desaroyando Kòrsou su Potenshal” ta indika,
 e ta e bastion mas importante pa logra un mihó komunidat un un mihó futuro sostenibel. E programa ta indiká sumamente kla ku
o tur mucha, hóben i adulto riba Kòrsou, mester tin akseso igual na edukashon di kalidat haltu i
o por disponé di fasilidatnan kaminda e por haña oportunidatnan optimal pa por desaroya su mes kompleto i integralmente.
 Esei ta nifiká ku nos ta trahando riba e soño di 0-dropout ku ta igual na esun di UNESCO entitulá: “Everyone has the Right to Education”/ Tur hende tin e derechi riba edukashon.
 Ora bo tin edukashon i formashon bo tin un mente liber: quote pa e konferensia aki di parti sra. drs. Marilyn Alcalá-Wallé ta bisa “Onderwijs schildert de geestkleur en opent de toekomstdeur”, liber tradusí: Edukashon ta pinta alma na koló, pa habri porta pa futuro.
 Pa logra edukashon di inklushon i unidat, mester tene kuenta ku e sistema aktual di enseñansa na Kòrsou, saliendo for di e demanda I e oferta den konteksto global.
 Oferta ta referí den e kaso aki na e.o.: e tipo di skol, e kuríkulo òf programa ku ta ofresé, e método, material, maestro ku ta instrumental den formashon di e mucha i hóben.
 Demanda ta referí den e kaso akin a esun ku tin ku risibí e edukashon, esta e mucha i e hóben.
 Durante e konferensia aki kaminda ta para ketu na “Igualdat di Género den Enseñansa” ta bai tira un lus riba algun aspekto krusial i fundamental pa garantisá ku nos ta tene kuenta ku e realidat di e mucha i hóben komo faktor di transformashon pa un miho futuro.
 Importante pa nos tur ta konsiente ku kambio pa un miho future no solamente ta depende di e faktornan di OFERTA,
 Pero simultaneamente mester tene na konsiderashon e DEMANDA!!
 Ora ku nos ta papia di DEMANDA tin faktornan manera:
o E género i diferensia di género
o E karakter
o E ambiente familiar
o E influensha di medio-ambiente
o Influensha di medionan di komunikashon, sigur den un mundu globalisando
 FAKTORNAN IMPORTANTE INFLUENSHANDO ENSEÑANSA
 Un tendensha na diferente pais ku sea e hende muhe of e hende homber ta keda atras den oportunidatnan di karera eskolar
 Na Kòrsou un investigashon a ser hasí ku a redundá na 2009 e publikashon di dr. Goretti Narain: The Boy Problem. Genderverschillen in onderwijsloopbaan op de eilanden van de Nederlandse Antillen, esta e reto ku e sekso maskulino den enseñansa. Diferensianan den karera escolar riba e islanan di Antia Hulandes (ainda nos tabata den konstelashon konstitushonal di Antia Hulandes), kaminda diferente informashon interesante ku nos mester tene na konsiderashon den nos sistema di enseñansa, si nos ke tin eksito real pa tur nos muchanan i hóbennan;
 Mester por hasi un analisis kua ta e interesnan di e mucha homber i tambe e mucha muhe pa por mantene na na skol. Pesei un analisis i un pidia informashon for di e aserkamentu tékniko I antropoligikó ta sumanete importante. John Gray, un konsehero den relashon i outor di e buki “Men are from Mars, Women are from Venus, a duna di konosé ku tin un diferensia fundamental entre hende hòmber i muhé komo resultado di diferensia fundamental den diferensianan psikologiko i ta usa e título di e buki komo e metaforo di ku e dos sernan ta di un planeta diferente, ku nan mes planeta, sosiedat i kustumbernan.
 Ora konstata sierto situashon den enseñansa, mester tuma akshonnan pa por atendé mas mihó posibel ku e retonan i pa trese e balansa bèk kaminda ta nesesario teniendo kuenta ku e derechi fundamental di edukashon di kada mucha i hóben. Gobièrnu ta duna un bista di e akshonnan ku a tuma pa hiba un maneho mas dirigí pa atendé ku e retonan konstatá na 2009 pa lokual ta e diferensianan di género i oportunidatnan den nos sistema di enseñansa. For di un bista antropologiko a studia e origen di e ser humano tantu den su karakteristikanan fistiko. Biologiko y e difersidat kultura manera kustumbernan sosial i kreensia.
 Tambe ta importante pa nos pone enfasis riba igualdat di género I su importansia pa un sosiedat balansa I funshonal pa ku skolnan. Den e kuadro aki ta para ketu tambe na faktornan ku ta I por influensha desparidatdi género den e sistema di enseñansa (p.e. ousensia di un tata den seno familiar)
 Finalmente durante di e konferensia ta para ketu na e posibel alternativanan pa lokual ta trata e aserkamento di género I diferensia di género den enseñansa. Esaki nos no por wak e los for di e ambiente direkto di e mucha I e hóben, su medioambiente den konteksto mas ampio, I pa no lubida un factor masha krushal I influenshal awendia: e eksposishon di media ku ta I por tin su impakto direkto den enseñansa. Medionan di komunikashon ta hungando un ròl masha importante I determinante den bida di hóbennan di awe.
X = generashon ku a nase despues di e epoká di “babyboom”. E grupo ku a nase entre aproksimadamente 1956 en 1985. (o entre 1961-1980)
Y = Generashon Y ta e susesor di generashon X i ta wordu definí por lo general den e periodo di mas o menos komo e epoka di 1982-2001. Millennials/ Milenionan
Z = finalmente nos ta den e epoka di Z; tur mucha i hóben ku ta nase entre 1992 i awor ta kai den e kategoria aki .Mihó konosí komo e I-Generation. “Tur kos ta Teknologia i Teknologia ta tur kos”. Nan ta “multitaskers” (nan tin un smartphone for di kua tur akshon ta tuma lugá: telefon, wekker, radio, tikmachine, televishon, lesa buki, kalkulá, hunga weganan digital, google map, medio di komunikashon, etc).
Ta lógiko ku konsentrashon pa asuntunan eskolar tambe ta wordu influenshá
FUTURO DI NOS ENSEÑANSA
Despues ku nos para un ratu ketu na e diferente faktornan ku ta influensha enseñansa, esta e parti di demanda, nos ta bai bek na e aspekto di oferta: esta den kua konteksto skolnan mester bai opera proksimamente?
Un kos ta sigur: Mester bai tene kuenta ku tur e realidatnan di género, asuntu sosial, antropologiko etc. ku ta influenshando e kampo di enseñansa
I tambe tene na kuenta ku e “I- Generation” mester wordu konektá ku e abilidatnan di siglo 21: “21st Centruy Skills”
Pa ta eksitoso den siglo 21, muchanan I hóbennan mester siña mas ku lesa, skirbi, aritmetika I kompetensianan di computer
E aspekto tradishonal den klasnan mester konose un kambio fundamental: nos huntu mester rekonsidera e forma di pedagogia pa enfrenta I akshona den un mundu digital.
Den tur e retonan ku nos ta para ketu awe, nos mester tene na konsiderashon ku e mucha I e hóben mester dominá diferente otro abilidat: Un mundu kaminda otro abilidatnan mester hunga un ròl determinante inkluyendo kompetensianan manera: komunikashon, kolaborashon, kreatividat, innovashon, solushon di problema, etc.
Tin hopi trabou ta warda nos. Trabounan kompleho ku bista riba solushon I di focus!!
Pero un Minister so no por hasié! Nos mester por hasie #huntu!
“Coming together is a beginning. Keeping together is progress. Working together is success.” -Henry Ford “A successful team is a group of many hands and one mind.” Bill Bethel
 Laga nos konsiderá nos mes manera nos selekshon di futbol ku a kaba di yega Kòrsou ayera nochi I tin ku hunga djabierne awor kontra di Bolivia. Nan ta bai hunga komo un tim pa gana.
 Laga nos focus. Ban bisti nos bril
 Importante ta pa nos realisá ku trabou konhuntamente, esta TEAMWORK ta multipliká eksito!! Den teamwork 1+1 ta bira 3; nos por logra efektonan synergetiko!!
 TEAMWORK ta maksimalisá e ablidatnan fuerte I ta disminuí e aspektonan debil. Huntu nos por gana un mihó enseñansa!!
 Mi ta deseá kada un di nos un konferensia eksitoso I kaminda kada unu di nos por duna su kontribushon pa nos por hiba un mas I miho maneho pa garantisa ku ningun mucha ta keda atras. Laga nos ta e kambio! Be the change!!

PP_dr. Goretti Narain

PP_Johan Oldenboom

PP_Min_Alcalá-Wallé

PP_Richinel Ansano

PP_Susan Larmonie

Advertisements
error: Content is protected !!
%d bloggers like this: