Advertisements

NOS SELEKSHON NASHONAL VS BOLIVIA DIANAN 23 I 26 DI MART DEN STADION ERGILIO HATO! E ORA 0 TA YEGANDO!

NOS SELEKSHON NASHONAL VS BOLIVIA DIANAN 23 I 26 DI MART DEN STADION ERGILIO HATO!

E ORA 0 TA YEGANDO!

 

Tiki tiki pero sigur e gran dia ta yegando, kaminda nos selekshon nashonal lo mester enfrentá e selekshon di Bolivia durante 2 elektrisante partido dianan 23 i 26 di mart próksimo. Manera ya ta konosí, ámbos partido lo tuma lugá den Stadion Ergilio Hato pa 8’or di anochi. Ayera den oranan di atardi nos hungadónan residensiá den eksterior a pisa suela di Kòrsou pa asina djòin nos hugandónan lokal, pa trabou nan sigui, miéntras e selekshon di Bolvia a yega mas lat den ora nan di anochi. Ámbos selekshon ta tin seshon nan di training den Stadion Ergilio Hato i ta kontinuá ku preparashon nan intensivo pa e 2 enkuentro nan aki ku ta pinta di bira sumamente interesante! Durante e 2 seshon nan di trainingnan di ámbos ekipo, un públiko respetá a asistí i por a disfrutá di e training i preparashonnan. Tambe ta tin algun fanatiko ku probechá saludá i saka algun potrèt ku nan hungadónan preferí. Karchinan pa e 2 enkuentro nan aki ta bayendo duru i ta optenibel na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria i serka Elton John Sophia na 5692121.

E preisnan pa e diferente paketenan pa sekshonnan ta lo siguiente:

  • VIP ta kosta Fl.250,- pa ámbos partido i Fl.150,- pa un partido (inkluso konsumo);
  • Bou di tribunanan kubrí ta Fl.50,- pa ámbos partido i Fl.30,- pa un partido
  • Tribunanan no kubrí ta Fl.30,- pa ámbos partido i Fl.20,- pa un partido
  • Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general

 

Kòrda ku portanan ta habri for di 5’or di atardi…yega trempan pa evitá e tráfiko!

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

Ahinda bo no tin bo karchi? Hasi lihé kumpra di bo pa bo no lamentá despues!

Reservá djabièrnè dia 23 i djaluna 26 di mart pa bo ta den stadion Ergilio Hato komo e number 12 sosteniendo nos selekshon nashonal, e kampion nan di e Scotiabank Caribbean Cup 2017.

Nos ta konta ku bo!

Nos entrenadó Sr Remko Bicentini dunando algun deklarashon tokante e preparashonnan di nos selekshon pa ku e partidonan aki
Advertisements
error: Content is protected !!
%d bloggers like this: