Advertisements

Orashon djarason 21 di mart 2018

Orashon djarason 21 di mart 2018

‘Hesus a bisa e hendenan ku a kere loke El a bisa: ‘Si boso keda fiel na mi palabranan, boso ta mi disipelnan di bèrdat. Boso lo konosé e bèrdat i e bèrdat lo hasi boso liber.’ Nan a bisa Hesus: ‘Nos ta desendiente di Abraham i nunka nos no tabata katibu di niun hende! Kon Bo por bisa: “Boso lo bira liber?” ’ Hesus a rospondé nan: ‘Mi ta sigurá boso: tur hende ku peka ta katibu di piká. Awor un katibu no ta keda pa semper den un famia; un yu sí. P’esei si Ami, e Yu, hasi boso liber, boso lo ta liber di bèrdat. Mi sa ku boso ta desendiente di Abraham, ma tòg boso ta buska Mi pa mata, pasobra mi palabranan no a haña aseptashon serka boso. Ami ta papia di loke Mi a mira serka mi Tata; ma boso ta hasi loke boso a tende di boso tata.’ Nan a bolbe kontestá Hesus: ‘Nos tata ta Abraham!’ E ora ei Hesus a bisa nan: ‘Si boso tabata yu di Abraham, boso lo a hasi loke Abraham a hasi. Ma awor boso ta buska Mi pa mata, Ami ku a bisa boso e bèrdat ku Mi a tende di Dios. Abraham sí no a aktua di e forma akí! Ma boso ta hasi loke boso tata ta hasi.’ Nan a bis’É: ‘Nos no ta yu djafó, Dios mes ta nos úniko Tata!’ Hesus a bisa nan: ‘Si Dios tabata boso Tata, boso lo a stima Mi, pasobra Mi a bini di Dios i Mi t’aki. Mi no a bini riba Mi mes, ma t’E a manda Mi. ‘ Huan 8:31-42

<script async src=”//pagead2.googlesyndication.com/pagead/js/adsbygoogle.js”></script> <script> (adsbygoogle = window.adsbygoogle || []).push({ google_ad_client: “ca-pub-5639114718427035”, enable_page_level_ads: true }); </script>

Advertisements
error: Content is protected !!
%d bloggers like this: