Advertisements

Trabounan di reparashon i finalisá kluphuis SV Estrellas  dentro di poko ta bai kuminsá

Riba inisiativa di Robert Sances na nòmber di Direktiva

Trabounan di reparashon i finalisá kluphuis SV Estrellas  dentro di poko ta bai kuminsá

Kralendijk – Despues di un tempu basta largu ku e Kluphuis na Kompleho Deportivo Rudy Boezem tabata pará sin por a keda kla. Riba insistensia di sr. Robert Sances, sekretario general di direktiva di S.V. Estrellas, a pone ku a sende un lus na horizonte pa bai kaba ku e kluphuis aki di manera e organisashon por disponé di su propio sentro.

Tabata despues di e aktividat di Bon Doet den kua e miembronan di S.V. Estrellas a bai hasi trabou na i den besindario di e klup, ku e edifisio bandoná aki a hala atenshon di e miembro en kuestion.

Di akuerdo ku sr. Sances, ta un duele pa mira un edifisio di tal magnitut ku tur su fasilidatnan i espasio den e kondishon aki. Un edifisio ku tabata kasi kompletamente kla pa drenta den operashon pa su ekipo i bario stimá. A laga e proyekto para bai den dekadensia i vandalismo tambe a hunga un ròl grandi, miéntras ku no tabata tin niun klase di supervishon di ningun banda.

Awor aki no ta e momentu pa bai sinta wak ken tin e falta i òf ta ken a komentá tal fechoria, pero ta di buska e manera pa drecha loke a kibra i pone e kluphuis aki den operashon. Esaki lo no sirbi solamente pa S.V. Estrellas so, sino un edifisio multifunshonal, den kua por duna formashon i trainingnan i aktividat sosial pa hinter e bario.

Por ta trata aki di aktividatnan manera lès di músika, kosementu, kultural folklóriko, sosial edukativo.

Sr. Robert Sances ku aprobashon di su direktiva a kuminsá kana e kamindanan pa di tur manera yega na e forma pa habri e kluphuis. Den su afan pa hasi esaki, e la aserká diputado sr. James Kroon ku a bai kuné personalmente pa hasi un inspekshon i sondia kiko ta e posibilidat.

E edifisio aki por ta di gran balor pa e bario di Kunuku Bieu.

Ya a aserká algun kompania pa kuminsá pone kosnan i sifranan riba papel. Tin algun rekisito pa hasi, manera limpia e tereno ku entretantu a bira mondi. Manera ku e parti aki ta kompletá, trabounan na e kluphuis por kuminsá.

Si tur kos kana segun plan, promé ku e aña aki kaba, e kluphuis ta den operashon.

Lo aserká kompanianan ku tin ekipo pisá, pa duna un man ku e parti di limpiesa pa trabounan start.

Si tin kualke instansia ku ke duna un man, por fabor tuma kontakto ku sr. Robert Sances na 5223099.

Atentamente,

 

 

 

Robert Sances

Sekretario General

S.V. Estrellas

<script async src=”//pagead2.googlesyndication.com/pagead/js/adsbygoogle.js”></script> <script> (adsbygoogle = window.adsbygoogle || []).push({ google_ad_client: “ca-pub-5639114718427035”, enable_page_level_ads: true }); </script>

Advertisements
error: Content is protected !!
%d bloggers like this: