Advertisements

Relato di parlamentario pa partido MAN  Wimbert Hato ku ta forma parti di komishon di Equidad Genero Ninez Y Juventud di parlamento Latino Americano I Caribeno relashoná ku su biahe di trabou na Panama.

Relato di parlamentario pa partido MAN  Wimbert Hato ku ta forma parti di komishon di Equidad Genero Ninez Y Juventud di parlamento Latino Americano I Caribeno relashoná ku su biahe di trabou na Panama.

 

Aparte di ta miembro aktivo di e komishon sr Wimbert Hato ta okupá e puesto di vice presidente di e komishon na Parlatino.  E komishon su meta ta pa analisá temanan  i bini ku proposishonnan  ku tin ku yuda ku tur género tantu maskulino i femenina den e paisnan miembro pa haña mesun derecho komo persona pero tambe na  salvaguardá derechonan di mucha i hóbennan.  Riba djaweps 15 i  djabièrnè 16 di mart 2018  e komishon enkuestion a reuní i kasi tur pais miembro tabata tei presente. Un total di  diesocho persona a forma parti di e reunion. Temanan ku a ser trata “ Maltrato infantil, violencia juvenil y violensia di genero “. Huntu ku e komishon di  Asuntus Laborales a trata  tambe  e tema di Futuro di Trabou.  Riba djabièrnè tabatin un konferensia ku a trata “ Importansia di un komunikashon organisá tokante e persepshon riba e trabou legislativo “  E komishon di Equidad de genero Ninez y Juventud riba djaweps a  trata un lei modelo  ku e  titulo : Ley modelo para erradicar el castigo Corporal y otras formas de tratos crueles , inhumanos y degradantes en contra de Ninas Ninos y Adolecentes “  E lei modelo su meta ta pa  eradiká batimentu di mucha, trato inhumano òf kualke otro forma  di trato kruel i degradante kontra mucha i  hóbennan. Un lei modelo ta un ehèmpel di lei ku paisnan  miembro por tuma komo  indikadó pa introdusí den nan pais si es ku esei no ta eksistí kaba. Teniendo kuenta ku kada pais  su situashon  nan por tuma e lei,  adapt’é i purba na introdusié  pa protekshon di e determinadó grupo.  Na kuminsamentu di e reunion ta atendé e motibunan  ku ke bin ku e lei pa despues  atendé e lei artíkulo pa artíkulo kaminda ta  splika diskutí pa yega na un konsenso tokante formulashon di kada artíkulo. Na final ta firma un akta  kaminda ta stipulá ku  e komishon a aprobá e  lei modelo òf no  pa despues esaki bai pa  sekretario di Parlatino pa evaluashon I despues ratifikashon.

 

Futuro di Trabou presentá pa OIT – ILO.

Riba djaweps 15 di mart Representante di Organisashon Internashonal di Trabou (OIT-ILO)  pa e region di Centro America, Haiti Panama i Republika Dominikana sr. Gerson Martinez a tene un presentashon na Parlatino pa komishon di Equidad de genero Ninez i Juventud  huntu ku komishon di asuntunan laboral.  Título di e presentashon tabata. Den su presentashon e la splika  ku sistema di traha pues trabou ta ser influensia pa motibunan demográfiko, ekonómiko i teknológiko I sosial. Un presentashon sumamente interesante. Konklushon tabata ku trabou manera nos konosé aworakí lo bai kambia konsiderablemente. E relashon doño di trabou – trahadó tambe lo kambia. E tipo di trahadó tambe lo ta otro. Liña kora den tur loke a bin dilanti ta ku edukashon lo ta determinante. E Sistema di edukashon den latino America mester kambia i mester tene kuenta  ku loke merkado ta pidi. Teknologia  ta avansá asina lihé ku loke hende siña awe aki sinku  aña ta opsoleto.  E realidat segun  OIT  ta ku ku esnan ku mihó estudio i ku  por komuniká lo avansá i esnan ku poko estudio i no por komuniká lo keda atras i lo kai for di merkado laboral. ILO ta premirá  ku lo tin mas destrukshon ku kreashon  di  kupo di trabou manera nos a a kustumá kuné. Ora ku paisnan ta buska kresementu ekonómiko mester tene kuenta ku e mester trese tambe kresementu  di e kapasidat di empleo pasobra por sosodé tambe ku bo ta haña kresementu ekonómiko pero e ta den sektornan ku no ta generá empleo. Trabou informal ta kresiendo. Modèl nobo di hasi negoshi  I di trabou ta hasiendo nan entrada.

 

 

Importansia di un komunikashon organisá I persepshon riba e trabou legislativo

Djabièrnè 16 di mart 2018 ta tin un konferensia tokante  Importansia di un komunikashon organisá i persepshon riba e trabou legislativo.  Ta tin un pènel forma pa diferente eksperto riba tereno di komunikashon, konsulta polítiko, periodista I analista  polítiko a  ku a trese diferente senario I ponensia dilanti. Un punto interesante ku a bin dilanti ta ku parlamento  den kualke pais di latino America na e momentunan aki su imágen ta dependé kon prensa den e determinadó  pais  ke laga e pueblo mira  su  kuerpo legislativo o sea su parlamentarionan. Di otro banda a señalá tambe ku komportashon di e parlamentarionan mes a yuda i ta yuda na trese un imágen negativo di e instituto I ta duna prensa chèns pa ataka  I ridikulisá e entidat parlamentario. Polémika personal, mal komportashon, drumi durante reunion, keda sin bin trabou tuma òf eksihí komishon tur esei a sirbi pa daña e imágen di parlamento. Un parlamentario ku mal komportá su mes ta hasi daño na henter e  instituto ku ta parlamento. E situashon ekonómiko a yuda  trese disgustu den pueblo  ku ta baha  su frustrashon riba esnan ku mesté representá ku ta su parlamentarionan.  Pueblo ta pensa I sinti manera pakiko mi mester di nan. Tur esaki huntu ku falta di informashon kon e instituto ta funshoná,  kiko su trabounan ta I kiko por i no por spera di dje ta pone ku parlamentonan rònt  Latino America tin un mal imagen.

E pueblo engeneral a avansá miéntras ku polítika i parlamentarionan a keda  pega den nan sistema bieu di funshoná i hasi polítika. Na final e pènel a konkluí ku parlamento den kada pais mester kuminsá na duna informashon i formashon kon parlamento mester funshoná i importansia di tin un sistema legislativo den un pais . Hopi biaha ta ora demokrasia bai pèrdí i diktadura tuma over nos ta siña  balorá  e sistema  demokrátiko ku e pais tabatin. Pues mester drecha  e funshonamentu I e manera ku pueblo ta mira su parlamentotituto parlamento pero den esei nos tur mester duna  nos aporte.

Ròl di prensa den polítika.

E analista polítikonan ku tabata na e konferensia di  Parlatino a analisá tambe e ròl di prensa den polítika. Un di e ponensianan tabata ku den pasado  korantnan i radionan tabata dependé  di benta di aviso. Ku modernisashon di telekomunikashon  i introdukshon di  telefòn smart  kasi  no tin hopi aviso den medionan di komunikashon mas .Pa por sobrebibí i  keda eksistí  medionan di komunikashon esta korant i radio ta ser aserka òf nan mes ta aserka sierto gruponan den komunidat pa un  inyekshon finansiero. E medio  e ora ei tin e tendensia di duna mas kobertura na sierto grupo i ta pèrdè su ophetividat. Nan a duna diferente ehèmpel di esaki. E ekspertonan  a bisa pa tene kuenta ku dos tema ku ta hopi importante :  Fact checking i Fake news.  Fact checking  ta un Sistema ku prensa lo bai  usa masha hopi mes den futuro. Tur loke bo  bisa òf hasi komo polítiko den futuro e medionan di prensa si nan hasi nan trabou komo periodista bon lo bai chek  den fail si e ta kuadra ku loke bo a bisa of hasi den pasado. Esaki  pa konfrontá polítikonan   i pa evitá ku polítikonan  no ta aktua  konsekuente. Fake news den ret sosial  hopi biaha ta ser tuma over pa prensa I ta hasi un daño grandi na organisashonnan i persona. Una bes ku e periodista tuma e fake news over for di retnan sosial bo no por hasi nada pero e ta hasi hopi daño. Te na ora  e medio rektifiká  e ta bolbe hasi menshon di e ofensa . Esei ta  ta nifiká ku el que pega primero pega dos veces.

Esaki ta kòrtiku asina un relato di loke a ser trata durante di  e  komishonnan na reunionnan di Parlatino. Tambe a duna algun rekomendashon kon e departamento di komunikashon di Parlamento por hasi su trabou mihó den futuro pero esei lo ser duna apart den un informe na presidente di parlamento.

 

<script async src=”//pagead2.googlesyndication.com/pagead/js/adsbygoogle.js”></script> <script> (adsbygoogle = window.adsbygoogle || []).push({ google_ad_client: “ca-pub-5639114718427035”, enable_page_level_ads: true }); </script>

Advertisements
error: Content is protected !!
%d bloggers like this: