Advertisements

Randal Corsen ta keda eligí komo ganadó di Premio Cola Debrot 2018

Randal Corsen ta keda eligí komo ganadó di Premio Cola Debrot 2018

WILLEMSTAD – Resientemente Konseho di Minister a aprobá e rapòrt di “Konseho Kultural Kòrsou” kaminda sr. Randal Corsen a keda presentá komo ganadó di e Premio Cola Debrot 2018, ku e aña akí ta den kuadro di ‘músika’.
Nicolaas (Cola) Debrot (Kralendijk, 4 mei1902 – Amsterdam, 3 december 1981) tabata un eskritor, poeta, dòkter, diplomátiko, hurista,  eskritor antiano, minister, filósofo ku ta keda konsiderá komo e fundadó di literatura antiano-hulandes. El a debutá  na aña 1935 ku e novela “Mijn zuster de negerin”.
E premio  Kultural prestigioso di Kòrsou ta karga su nòmber: Premio Cola Debrot.
Miembronan di hurado ku a hasi entrega di e eskoho ta sr. Verele Engels (presidente), sr. Rignald S. Recordino, sr. Pernell L. Saturnino, sr. Henri R. Moen i sr. Percy Pinedo.
E motibunan riba kua e premiashon a keda basá ta e siguiente aspektonan:
·         Dedikashon, amor i pashon di sr. R. Corsen pa ku su trabou di arte musikal;
·         Ta trata di un persona relativamente hóben i ku por ta un estímulo pa otro hóbennan pa dediká mas na nan pashon (arte músikal);
·         Su dedikashon na músika, for di e momento ku el a kaba su akademia di músika na Ulanda te dia di awe e ta sumamente aktivo den e mundu akí;
·         Su afan, sigur durante último 10 añanan, pa promové músika krioyo , generá jazz komo músika klásiko; den su grabashonnan, aktuashon lokal i internashonal, ku músikonan lokal i internashonal, ku orkesta Metropole di Amsterdam;
·        Su empeño, pa pone nos músika riba un pedestal internashonal, ku e.o. homenahe na Rignald Recordino, Famia Palm, Rudy Plaate i tambe músikonan klásiko;
·        Su partisipashon den nos farándula lokal, ku konsiertonan di fin di aña , ku su partisipashon na nos festival di Tumba, su empuhe i sosten na nos artista/kantantenan lokal;
·        Su inflensha, komo dosente di músika i su empeño pa instituí un kurso di músika di Kòrsou.
E premiashon di Cola Debrot ta konsistí di un suma di Nafl 5.000 i un broche (“speld”) di oro den forma di un imágen di flor di e palu “Laraha”. E palu di Laraha ta aparesé tambe riba nos eskudo. Di e forma aki e premio ta keda konektá ku un di nos símbulo nashonalnan.
Entrega di e premio aki ta tuma lugá 4 di mei próksimo, riba fecha natal di Cola Debrot (qepd), na Museo di Kòrsou.
<script async src=”//pagead2.googlesyndication.com/pagead/js/adsbygoogle.js”></script> <script> (adsbygoogle = window.adsbygoogle || []).push({ google_ad_client: “ca-pub-5639114718427035”, enable_page_level_ads: true }); </script>
Advertisements
error: Content is protected !!
%d bloggers like this: