Advertisements

UNSEBAKO  ta koperá ku  Fundashon Prevenshon, ReMaUní i Ofisina di Ombudsman

UNSEBAKO  ta koperá ku  Fundashon Prevenshon, ReMaUní i Ofisina di Ombudsman

Fundashon UNSEBAKO, e Union di Sentronan di bario di Kòrsou durante su mas resiente reunion di konseho di federashon djasabra 17 di mart último a risibí 3 konosido instansia di nos komunidat pa un presentashon. Ta trata di Fundashon Prevenshon, ReMaUní i Ofisina di Ombudsman kendenan tur 3 a aserká UNSEBAKO ku e petishon pa yega na un forma di koperashon ku e organisashon mama di sentronan di bario di Kòrsou esta UNSEBAKO. Konforme e maneho di UNSEBAKO instansianan ku aserká UNSEBAKO ku tal petishon ta keda invitá pa duna un presentashon na e sentronan di bario afiliá na UNSEBAKO despues di kua e sentronan ta tuma un desishon riba un eventual forma di koperashon.
E personanan ku a duna presentashon tabata sra. Louise Elstak di Fundashon Prevenshon, sra Mirugia Nowels di ReMaUní i sr. Keursly Concencion Ombudsman di Kòrsou.
Husgando e reakshon di sentronan di bario presente, tur kos ta indiká ku nan lo yega na un bon forma di koperashon ku Fundashon Prevenshon, ReMaUní i Ofisina di Ombudsman.

Advertisements
error: Content is protected !!
%d bloggers like this: