Advertisements

NOS SELEKSHON NASHONAL A TERMINÁ NA TERSER PUESTO DURANTE E TORNEO INTERNASHONAL ARUBA HIMNO I BANDERA!

NOS SELEKSHON NASHONAL A TERMINÁ NA TERSER PUESTO DURANTE E TORNEO INTERNASHONAL ARUBA HIMNO I BANDERA!

Manera ya ta konosi, nos selekshon nashonal U-13 a biaha pa Aruba dia 12 di mart último pa asina kumpli ku nan kompromisonan durante e torneo internashonal Aruba Himno i Bandera ku a tuma lugá di 14 pa 18 di mart aya na Aruba.

E paisnan ku a partisipá na e torneo aki tabata; Aruba, Boneiru, Colombia i Kòrsou.

Resultado di nos weganan:

 

Fecha Tim di kas Bishitante Resultado Lugá
14 mart 18 Colombia Kòrsou 3-2 Compleho Deportivo Frans Figaroa
15 mart 18 Kòrsou Boneiru 1-3
16 mart 18 Aruba Kòrsou 1-2

 

Weganan final:

 

Fecha     Resultado Lugá
 

18 mart 17

Kòrsou

(Terser Puesto)

Boneiru

(Di 4 puesto)

 

2-1

Compleho Deportivo Frans Figaroa
 

18 mart 17

Colombia (Promé puesto) Aruba

(Segundo puesto)

 

2-0

 

Durante nos promé enkuentro nos a kai vensí kontra Colombia ku e skor di 3-2. Esnan ku a anotá e golnan durante nos promé partido tabata Riqueby Florentina i Jaeve Elschot.

Durante nos segundo enkuentro kontra di Boneiru, nos selekshon a bolbe kai vensí i a pèrdè ku e skor di 3-1. E úniko gol di nos selekshon a keda anotá pa Patrick Hook.

Durante nos terser partido, nos a sali viktorioso i a gana Aruba ku e skor di 2-1.

Joshua Rosaria ku Patrick Hook ta esnan ku a anotá e golnan ku a hiba nos na e viktoria.

Despues di e partidonan pre-eliminar, nos a enfrentá e ekipo di Boneiru durante semi final i a gana ku e skor di 2-1. Shuvienchelo Hooi ku Patrick Hook a anotá e golnan di Kòrsou.

Ku e resultadonan aki nos a keda na terser lugá di e torneo aki miéntras Colombia a resultá e ekipo kampion, Aruba a sali supkampion i Boneiru a keda na di 4 lugá.

Nos selekshon nashonal kategoria U-13 tabata konsistí di un grupo di 19 hungadó ku a wòrdu dirigí pa Sr. Maurits Maria ku ta e entrenadó di e selekshon aki i Sr. Raymar Revierre ku ta e asistente di e entrenadó.

Tambe a biaha huntu ku e selekshon Sr. Eulogio Leocadia ku ta e masahista di e selekshon, Sr. Roderick Rojer ku ta esun enkargá ku e material nan i e hefe di delegashon ku ta

Sr. Stanley Coffy, miembro di direktiva di FFK.

Nos selekshon ta konsistí di e siguiente hungadónan:

 

  1. Jaeve Elschot
  2. Juninho Floranus
  3. Riqueby Florentina
  4. Zacchaeus Gabriel
  5. Joshua van Grinsven
  6. Collin Haile
  7. Shuvienchelo Hooi
  8. Patrick Hook
  9. Dayshawn Isabella
  10. Nahim Jansen
  11. Declan Kleiboer
  12. Max Lindner
  13. Nick Lindner
  14. Leonardo De Lira
  15. Giordinelo Meulens
  16. Joshua Rosaria
  17. Sebastiaan Soetekouw
  18. Nirik van Thijs
  19. Kane Velting

 

Nos selekshon ta regresá mañan, 19 di mart, 7:45 di mainta ku buelo di Aruba Airlines.

FFK ta yama nos selekshon di U-13 masha pabien ku nan título di terser puesto di e torneo internashonal Himno i Bandera aya na Aruba.

NOS SELEKSHON NASHONAL A TERMINÁ NA TERSER PUESTO DURANTE E TORNEO INTERNASHONAL ARUBA HIMNO I BANDERA!
Advertisements
error: Content is protected !!
%d bloggers like this: