Advertisements
My title

First Things First Digitalisashon den nos Enseñansa ta kai lanta ku un bon Vishon i Mishon

First Things First

Digitalisashon den nos Enseñansa

ta kai lanta ku un bon Vishon i Mishon

Konsiente di e desaroyonan aki i den kuadro di preparashon pa su  introdukshon,  SKAIH
Pre-Universitario  a organisá, den wikènt ku a pasa (16 i 17 di mart) un konferensia titulá  “ICT in Education Sharing Knowledge, Creating the Future”, ku a toka digitalisashon den enseñansa.

Sosteniendo e importansha ku e ta duna na ICT den enseñansa.  Minister di Enseñansa drs. Marilyn Alcala Wallé a presensiá i hiba palabra na apertura di e konferensha mientras ku representantenan di Ministerio di Enseñansa a asistí na e evento importante aki titulá:

“Konferensia di ICT den Enseñansa,” Komparti Konosementu i Krea  Futuro.”

E abilidatnan pa siglo 21 ,  ”21st century skills” lo ta e siguiente  inovashon importante den enseñansa i komunidat. Esaki ya a bira inevitabel mirando desaroyonan ku tin den mundu rondo di nos riba tereno di digitalisashon ku ta laga nos atras partikularmente riba tereno di enseñansa.

Digitalisashon i  aplikashon di teknologia di informashon i komunikashon,ICT, den enseñansa lo hunga un ròl sumamente importante den nos skolnan próksimamamente.

Tur direktiva di skol ta pará dilanti di un reto grandi riba tereno di aplikashon di ICT na un forma responsabel i sostenibel ku mira riba  futuro.  Gobièrnu ta hunga un ròl primordial den esaki pa evita ku konosementu di aplikashon di teknologia di informashon lo bai bira e siguiente fuente di desigualdat grandi den nos komunidat i lo afektá atrobe e partinan menos pudiente di nos komunidat.

Un total di 4 eksperto di Kòrsou , Caribe(St. Maarten), Ulanda i Merka kier a duna nan vishon riba e stapnan ku mester tene kuenta ku n’é na ora di implementashon di un programa di digitalisashon den enseñansa. Ta trata di Paul Westeneng ku a bini pa VO Content un fundashon grandi ku ta asisti skolnan riba tereno di integrashon di digitalisashon di enseñansa, Marcus Nicolaas, guiado di un proyekto di digitalisashon den skolnan na St. Maarten i kordinado di ICT na Milton Peters College, Angelica Galicia i Douglas Vaughan ambos di International School ku un delantera signifikante riba e tereno aki i finalmente e hoben spesialista riba aspektonan tékniko di digitalisashon di enseñansa Michel Greijmans di sincere ICT Solutions.

E kuater presentadonan aki a toka henter e spektro di digitalisashon den enseñansa.

Loke a resalta ta ku :

-Teknologia ta importante pero e ta e último stap den logra e ophetivo prinsipal ku ta enseñansa.

-Ta urgente pa inkorporá e abilidatnan di siglo 21 den loke nos muchanan ta haña na skol i kon usa kontenido digital  enbes di  konvenshonal.

-Den e proseso di implementashon e punto di salida mester ta un vishon i mishon klaramente definí  ku envolvimentu di dosentenan for di komienso dje proseso.

-Ku e trayekto di implementashon tin un alkanse medio i largu promé ku alkansa e nivel di digitalisashon apropía.

-Ta hopi krusial pa reserva fondo tur aña  realisándo  ku mesora ta kuminsá e “on going process” di renová i ahustá konforme di e desaroyonan nobo ku ta aparesé rápidamente na horizonte di ICT.

-den e kuadro aki a bini dilanti ku mester indèkser V & V stelsel inkorporando e gastunan real di skolnan inkluso gastunan varios ku ta ensera realisashon i mantenshon di digitalisashon den enseñansa,

-Ta ora ku e plan di maneho, (ku ta ensera  e vishon, obhetivo i plan di desaroyo di kompetensha i di kontenido i aplikashon), ta kla por dal e stap pa invitá e eksperto(nan) tékniko pa presentá nan solushonnan basá riba e plan ku skol a traha .

E proseso no ta kuminsa ku e preguntanan riba kua aparato o “device”, ki tipo di nètwèrk , smartboard i otro aspektonan  di infrastuktura teknológiko.

Den e presentashonan a bini dilanti tambe loke por laga e skol trompeka  durante di e trayekto. Por evita esaki dor di hasi uso di eksperensha di esnan ku ya a kana e kaminda di digitalisashon di enseñansa.

E peligernan ta:  e aspekto finansiero, mester tin fondonan garantisá; diskushonan interno tokante ki infrastruktura software i  hardware ta usa; kore kumpra teknologia promé ku fiha   vishon i  kondishonnan; mal uso di teknologia òf instalá infrastruktura pida pida.  Falta di bon komunikashon interno, o envolvimentu di e  kuerpo di dosente i e nesesidat pa  yuda desaroyá kompetensha serka e dosentenan pa por garantisá éksito den e trayekto di digitalisashon di enseñansa.

Despues di e presentashonnan a sigui ku e mesanan di diskushon kaminda  e kuater gruponan a diskutí i formulá un lista di eksigensia komo base pa por introdusí  digitalisashon ku éksito. Pa e diskushon a usa e modelo di kuater komponente di  “Kennisnet”  ku ta : vishon, kompetensha,  kontenido  i infrastuktura.

I am because we are.

Na final di e konferensha  Humphrey Senior, ku ta dirigi e programa di implementashon di SKAIH Pre-Universidat a gradisí partisipashon na  organisashon- i pèrsonanan presente pa a bini i kompartí konosementu riba digitalisashon den enseñansa ku otro.

E partisipantenan tabata  dosente o enkargádo di ICT di e varios direktivanan di skol ku ta International School, Milton Peters College i  St Dominic Highschool SXM , VPCO, Vespucci, DOS, UoC, dosentenan di SKAIH , direktiva di FSHP i representantenan di Ministerio di Enseñansa, Siensia, Kultura i Deporte  i representantenan di VO Content di Ulanda, Sincere ICT Solutions , Multipost  i CEO di Threeships i algun partisipante eksperto di ICT ku a haña e konferensha importante i a pidi pa ta presente. .

Sr. Senior a reafirmá e ponensia humanista di ta kere firmemente den: komparti konosementu ku otro loke ta pèrmití asina tur parti konserní  saka mayor benefisio for di e loke ta keda presentá i a gradisí pa e sugerensha- i rekomendashonnan risibí for di e gruponan di diskushon.

A konkluí e seshon di diskushon i rekomendashon  ku e sita  humanista di Nelson Mandela “I am because we are “. Mustrando ku koperashon i  kompartiendo konosementu ta hasi nos fuerte i yuda nos evitá erornan inesesario i move for di un enfoké egoséntriko na unu holístiko : Nos tur huntu na benefisio di nos alumnonan.

<script async src="//pagead2.googlesyndication.com/pagead/js/adsbygoogle.js"></script>
<script>
     (adsbygoogle = window.adsbygoogle || []).push({
          google_ad_client: "ca-pub-5639114718427035",
          enable_page_level_ads: true
     });
</script>

 

 

 

Advertisements
error: Content is protected !!
%d bloggers like this: