Advertisements

 27 di mart próksimo FUNDASHON PRO SOUAX ta organisá: Charla grátis

 27 di mart próksimo FUNDASHON PRO SOUAX ta organisá: Charla grátis

       “E REALIDATNAN DI KRIO DI BAKA NA KÒRSOU”

Ku e meta pa aportá na formashon di opinion públiko di un forma ophetivo i balansá Fundashon Pro Souax regularmente ta krea oportunidat pa habitantenan di bario i demas interesado haña informashon riba tópikonan di momentu. Den e kuadro ei Fundashon Pro Souax i Sentro di bario Souax gustosamente ta invitá habitantenan di bario di Souax, Gato i bisindario i tambe otro interesadonan na un charla riba e tópiko “E REALIDATNAN DI KRIO DI BAKA NA KÒRSOU”.  Oradónan lo ta sr. Arthur Paris i sr Ramon Troconiz, inisiadónan di e proyekto di krio di baka ku próksimamente ta kuminsá na Kòrsou.

Kriadónan di bestia den bario ke sa di e realidatnan i detayenan di e proyekto di krio di baka na Kòrsou. Kuantu baka lo bai kria i ki dia nan lo yega?
Tin kuminda na Kòrsou pa tantu baka asina? Na unda ta bai kria nan? Kiko lo hasi ku tur e mèst di e bakanan? Tin merkado pa tantu karni asina? E preis di karni na Kòrsou lo baha òf lo subi?

Bo ke haña kontesta riba e preguntanan aki? Bo ke komprondé mas mihó kiko e proyekto ta kome i bebe? Asistí djamars 27 di mart próksimo di 7or pa mitar di 9 di anochi na Sentro di bario Souax na e charla  “E REALIDATNAN DI KRIO DI BAKA NA KÒRSOU”. Lo tin amplio oportunidat pa hasi pregunta. Entrada ta grátis i un i tur ta bonbiní.

                                          

                              Charla na Sentro di bario Souax

Tópiko: “E REALIDATNAN DI KRIO DI BAKA NA KÒRSOU”.
Oradónan: sr. Arthur Paris i sr Ramon Troconiz,
Dia: djamars 27 di mart 2018
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní

<script async src="//pagead2.googlesyndication.com/pagead/js/adsbygoogle.js"></script>
<script>
     (adsbygoogle = window.adsbygoogle || []).push({
          google_ad_client: "ca-pub-5639114718427035",
          enable_page_level_ads: true
     });
</script>

Advertisements
%d bloggers like this: