Advertisements

Orashon djadumingu 18 di mart 2018

Orashon djadumingu 18 di mart 2018

‘Tabatin algun griego entre e hendenan ku a subi bini Herusalèm pa adorá Dios durante fiesta di Pésag. Nan a bai serka Filipo ku tabata di Betsaida na Galilea, i bis’é: ‘Shon, nos ke mira Hesus.’ Filipo a bai bisa Andreas i nan dos huntu a bai konta Hesus. Hesus a rospondé nan: ‘E ora a yega pa Yu di hende haña honor. Mi ta sigurá boso: Si un pipita di trigo no kai den tera i muri, e ta keda djis un simia. Si e muri, e ta produsí hopi fruta. Esun ku ke tene na su bida lo pèrd’é, ma esun ku no tene na su bida den e mundu akí, lo preserv’é pa eternidat. Si un hende ke sirbi Mi, e mester sigui Mi; pues kaminda Mi ta, mi sirbidó tambe ta. Si un hende sirbi Mi, Tata lo honr’é.’ Hesus a sigui bisa: ‘Awor Mi paden ta tur sobresaltá, ma kiko Mi mester hasi? Tata, libra Mi di loke ta bai pasa e ora akí! Nò, ta pa kumpli ku e ora akí mes Mi a bini riba mundu! Tata, glorifiká bo nòmber.’ E ora ei un stèm a zona for di shelu ku a bisa: ‘Mi a glorifik’é kaba i lo Mi bolbe hasié.’ E multitut pará ei ku a tende e stèm, a bisa: ‘Ta bos a grita!’ Ma otronan a bisa: ‘T’un angel a papia kunÉ.’ Hesus a bisa nan: ‘No ta pa Mi e stèm a papia, ma pa boso. Awor e momento a yega pa husga e mundu akí. Awor ta bai saka e gobernadó di e mundu akí pafó! Ora ku alsa Mi riba tera, lo Mi hala tur hende serka Mi.’ El a papia asina pa indiká ki sorto di morto E tabata bai muri. ‘ Huan 12:20-33

Advertisements
error: Content is protected !!
%d bloggers like this: