Advertisements

Orashon djasabra 17 di mart 2018

Orashon djasabra 17 di mart 2018

‘Algun hende den e multitut a tende e palabranan di Hesus i nan a bisa: ‘Enberdat, e hòmber akí ta e Profeta!’ Otro a bisa: ‘E hòmber akí ta e Mesias!’ Ma otronan a komentá: ‘E Mesias n’ ta bini di Galilea, tòg? Akaso Skritura no ta bisa ku e Mesias lo ta desendiente di rei David i ku lo E bini di Betlehèm, siudat di David?’ Awor e multitut tabata den desakuerdo pa Hesus su motibu. Algun di nan ker a koh’É prezu, ma niun hende no a hasi nada. P’esei ora e sòldánan di tèmpel ku mester a kohe Hesus prezu a bai serka e fariseonan i e saserdotenan importante, esakinan a puntra nan: ‘Pakiko boso no a trese Hesus?’ E sòldánan a kontestá: ‘Niun hende no a yega di papia manera e hòmber akí ta papia!’ E fariseonan a puntra nan: ‘Basta E no a tira santu den boso wowo tambe! Akaso boso a yega di topa un miembro di konseho supremo òf un fariseo ku ta kere den dje? Ma e pueblo akí no konosé lei; nan ta maldishoná!’ Awor Nikodemo, un di e fariseonan ku a yega di bishitá Hesus, a remarká: ‘Segun nos lei nos no por husga un hende sin tend’é promé i sin konosé su aktonan.’ Ma nan a kontest’é: ‘Ta di Galilea bo tambe ta? Bai studia Skritura i bo ta mira ku niun profeta no ta bini di Galilea!’ Tur hende a bai nan mes kas,’ Huan 7:40-53

Advertisements
error: Content is protected !!
%d bloggers like this: