Advertisements

KOMUNIKADO DI KUERPO POLISIAL KÒRSOU Akshon den kuadro di e “Actiecentrum Ondermijning Curaçao(ACOC) “

KOMUNIKADO DI KUERPO POLISIAL KÒRSOU
116 / 2018
16 mart 2018

Akshon den kuadro di e “Actiecentrum Ondermijning Curaçao(ACOC) “

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Manera a keda anunsiá, e kòntròlnan den kuadro di e ACOC a kontinuá.
Djaweps 15 di mart 2018, personal di Polis, KMAR, CurMil (Curacaose Militie) i Douane, a
tene kòntròl den e áreanan di Rancho i riba Ronde Klipweg. E kòntròlnan aki tabata dirigí
riba violashon di lei di arma di kandela.
E kòntròl(nan) aki a tuma lugá entre 17.20 or pa 22.00 or. E tim a kontrolá un total di shen
bintitres(123) persona, sesenta i tres (63) vehíkulo i a partí un total di bintikuater (24)
prosèsverbal pa diferente infrakshon.
Durante e kòntròl a konfiská kuater(4) kuchu i dos(2) saku chiki di mariwana.
E tim a detené dos(2) hòmber sospechoso pa violashon di lei di opio:
1. U.M. nasé na Kòrsou di 35 aña di edat
2. T.L.O. nasé na Kòrsou di 30 aña di edat
A presentá ámbos dilanti un Fiskal Ouxsiliar.
Tambe e tim a detené un hòmber sopechoso di 54 aña di edat pa violashon di lei di arma di
kandela. A resultá despues ku e persona aki ta empleá na un kompanía di seguridat pero na
momento di kòntròl e no tabatin e pèrmit pa karga arma di kandela huntu kun’é. A
presentá e sospechoso dilanti un Fiskal Ouxsiliar.
Durante di e investigashon e manager kaminda e homber aki ta laborá a presentá ku e
pèrmit pa e karga arma di kandela i e la rekobrá su libertat.
Durante di e kòntròlnan aki polis a kita tres (3) vehíkulo i a transportá nan ku kran pa kurá.
Nota:
Nos ta supliká tur persona ku tin un pèrmit pa karga arma di kandela pa tin e pèrmit aki den
su poder manera lei ta preskribí pa na momento di kòntròl nan por presentá esaki pa evitá
inkombinensia.
E kontròlnan ta kontinuá.

Advertisements
error: Content is protected !!
%d bloggers like this: