Advertisements

Fundashon ViBa a entregá denunsia na Landsrecherche Curaçao (LrC) di posibel iregulairdat ku a tuma lugá den otorgamentu di un supsidio na un fudashon deportivo.

Debi na varios pregunta di parti di prensa, Ministerio Pùbliko (OM) por konfirmá ku awe merdia, 16 di mart 2018, Fundashon ViBa a entregá denunsia na Landsrecherche Curaçao (LrC) di posibel iregulairdat ku a tuma lugá den otorgamentu di un supsidio na un fudashon deportivo.

LrC a palabrá ku ta invitá un representante di e fundashon mas despues pa supstansiá e denunsia. Despues Prokurador-general (PG) lo risibi e dossier di LrC pa tuma un asina yamá “vervolgbesluit”.

Tambe PG mester determiná mas despues ta kwa instansia eksaktamente tin ku hasi e investigashon komo ku LrC ta envolvi solamente na momentu ku un persona, kontra kua ta hasi denunsia, ta un ambtenar. I esei posiblemente no tabata e kaso.

Advertisements
error: Content is protected !!
%d bloggers like this: