Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Volkan supmarino “Kick ‘em Jenny” no ta peliger Kòrsou i bisindario

Volkan supmarino “Kick ‘em Jenny” no ta peliger Kòrsou i bisindario

Ayera e unidat siéntifiko di sismologia di Universidat di West Indies a halsa e nivel di alerta pa e volkan supmarino “Kick ‘em Jenny” di hel pa oraño. E motibu ta ku a registrá un oumento di aktividat sismológiko den serkania di e volkan. Esaki ta nifiká ku barkunan no ta permití pa nabega denter di un area di 5 kilometer for di e volkan.

Si e volkan aki drenta erupshon e por kousa tsunami? Esaki no ta e kaso dor di e lokalidat di e volkan i su patronchi di aktividat. Volkannan supmarino por okashoná tsunami únikamente ora nan drenta erupshon òf ora parti di dje derumbá.

“Kick ‘em Jenny” su profundidat di 200 meter ta impedí su posibilidatnan pa generá un tsunami. Pa esei sosodé e volkan aki mester ta mas serka di e superfisie di laman. Investigashonnan resiente ta indiká ku e grandura di un derumbe den e kaso aki lo no ta sufisiente pa generá un tsunami. Dor di esakinan e chens pa un tsunami ta hopi mínimo. Servisio Meteorologiko ta sigui vigilá e situashon aki i lo mantené komunidat informá segun tin novedat.

Advertisements
error: Content is protected !!
%d bloggers like this: