Advertisements

Militarnan tambe dunando asistensia LIMPIESA DI SARGASSUM DEN FASE FINAL

Militarnan tambe dunando asistensia LIMPIESA DI SARGASSUM DEN FASE FINAL

 Kralendijk – Trabounan di limpiesa di e yerba di laman ‘Sargassum’ ku a pega riba kostanan aki na Boneiru, ta den su fase final. Esaki ta danki na trabounan intensivo di boluntarionan i grupo di militarnan a pone nan mes disponibel. Tur e trabounan a kai bou di kordinashon di Stinapa.

A traha intensivamente riba e parti di limpiesa. A konsentrá primeramente den aria di Sorobon i sigui pa Lagun ku ta e dos arianan mas vulnerabel pa loke ta trata dañonan ekológiko. Despues ku tabata tin e arianan menshoná bou di kontrol a bai over na otro sitionan kaminda e limpiesa tabata posibel, manera entre otro Boka Washikemba i mei mei di e palunan di mangel na algun sitionan na Kaminda di Sorobon.

Debí na e echo ku e Sargassum a kuminsá putri tabata nesesario pa midi e konsentrashon di e gas H2S pa ta sigur ku no tin peliger pa e hendenan ku ta trahando. E midimentu tabata na enkargo di Kuerpo di Bombero.

Pa loke ta trata boluntarionan pa yuda, esaki ainda ta nesesario. Mas man ta hasi trabou lihé. Boluntarionan por mèldu serka funshonarionan di Stinapa na sea Lagun, Sorobon na haltura di Rancho i Doi òf Boka Washikemba.

Advertisements
error: Content is protected !!
%d bloggers like this: