Advertisements

Maduro & Curiel’s Bank ta partisipá na  CuraDoet i duna un man na tres proyekto.

Maduro & Curiel’s Bank ta partisipá na  CuraDoet i duna un man na tres proyekto.

WILLEMSTAD – Ta konosí pa un i tur ku Maduro & Curiel’s Bank semper ta duna  aporte na nos komunidat. MCB ta sostené diferente aktividat i organisashon boluntario finansieramente, i ta kontribuí tambe dor di stimulá i duna espasio na koleganan pa hasi trabou boluntario. Durante di e akshon boluntario mas grandi di Kòrsou, CuraDoet, diferente kolega i nan famia a sostené tres proyekto.

For di mainta koleganan di MCB tabata na Fundashon Adelanto Rooi Santu ku un dia di aktividat kaminda grandinan di e bario a partisipá na diferente wega i deporte manera, bingo, bon kuné, bolas i dominó. E grandinan di bario a disfrutá di algu di kome, bebe i haña lès di baile moderno manera bachata. Tabata un dia yená ku alegria i nos grandinan a gosa masha hopi mes.

Koleganan di MCB a yuda drecha e área di “bullpen” na fèlt di Jandoret i a instalá un “batting cage” pa garantisá desaroyo di hóben den e área di e deporte di sòftbòl. MCB a duna mas ku 130 hóben di Souax Softball Team e oportunidat pa nan train di un manera optimal.

Un grupo di kolega tambe a duna un man i fèrf parti pafó di e edifisio di Krus Kòrá na Suffisant.

Maduro & Curiel’s Bank ta felisitá e tim di Curaçao Cares pa otro eksitoso CuraDoet i ta yama danki na tur kolega i nan famia ku a duna un man.

Riba kombinashon di potrèt por mira koleganan di MCB den akshon djasabra último durante di e aktividatnan di CuraDoet.

Advertisements
error: Content is protected !!
%d bloggers like this: