Advertisements

SKOL AMPLIO PAPA CORNES TA BOLBE GANA DIKTADO ESKOLAR

SKOL AMPLIO PAPA CORNES TA BOLBE GANA DIKTADO ESKOLAR

 

Kralendijk – Kralendijk – Dia 21 di febrüari último tabata Dia Internashonal di Idioma Materno. Pa e okashon akí Fundashon Akademia Papiamentu den koperashon ku SKAL a organisá un diktado eskolar. Meta prinsipal di e diktado tabata pa krea konsientisashon pa papiamentu i pa       skirbimentu di papiamentu segun ortografia ofisial. A hasi esaki den forma di un kompetensia entre e skolnan básiko. E aña aki a dediká e diktado na señora Regina (Uchi) Frans Anthonie pa su kontribushon na papiamentu. Shentibintiun (121) alumno di grupo shete (7) i  ocho (8) di skol básiko a traha e diktado na mes momento. E skol ganadó a resultá Skol Amplio Papa Cornes. E skol aki tabatin sinku alumno ku a hasi sinku eror òf menos. Nan ta; Shantey Thomas (ganadó apsoluto), Edumar Huaman Mirand, Heaven-Leigh Anthony, Amberly Jansen i Jerome Felida. Pa di tres biaha konsekutivo Skol Amplio Papa Cornes ta gana e diktado aki. Kolegio Kristu Bon Wardador tambe a kai den premio. E tabatin un alumno ku a traha e diktado ku ménos ku sinku eror, esaki tabata Karol Medina. Diputado Edsel Cecilia a entregá e skol e premio ku ta un eskultura trahá pa e artista lokal Gibi Bomba.        Kada alumno ganadó a risibí regalo i sertifikado. Na e okashon akí a entregá tambe un plaka na señora Regina (Uchi) Frans Anthonie pa su koperashon na e organisashon di e diktado i komo rekuerdo ku a dediká e diktado e biaha akí na su persona. Diputado Cecilia tambe a entregá señora Paulina (Pòpi) Rodirguez un premio. E tabata e ganadó di e diktado pa públiko general. Fundashon Akademia Papiamentu i SKAL ta yama e ganadónan pabien. Ta gradisí tur skol ku a partisipá pa nan dedikashon na papiamentu i ta spera ku e kompetensia akí lo sirbi komo estímulo pa hinka mas tempu den enseñansa di idioma materno pa otro aña por reta e ganadónan di e aña akí. Tambe ke yama danki na tur ku a koperá ku e diktado riba Dia Internashonal di Idioma Materno.

        

 BREDE SCHOOL PAPA CORNES WINT OPNIEUW SCHOOLDICTEE

Kralendijk – Afgelopen 21 februari was de Internationale Dag van de Moedertaal.Bij die gelegenheid heeft de Fundashon Akademia Papiamentu in samenwerking met de SKAL een schooldictee georganiseerd. Het belangrijkste doel van het dictee was om meer bewustheid voor het schrijven van papiamentu te creëren volgens de officiële spelling. Dit werd gedaan in de vorm van een wedstrijd tussen de basisscholen. Dit jaar werd het dictee gewijd aan mw Regina (Uchi) Frans-Anthonie voor haar bijdrage aan het papiamentu. 121 leerlingen uit de groepen 7 en 8 van de verschillende basisscholen hebben het dictee tegelijktertijd gemaakt. De winnende school werd Brede School Papa Cornes. Deze school had vijf leerlingen di 5 of minder fouten maakten. Zij zijn: Shantey Thomas (absolute winnares), Edumar Huaman Mirand, Heaven-Leigh Anthony, Amberly Jansen en Jerome Felida.

Voor de derde achtereenvolgende keer heeft de Brede School Papa Cornes dit dictee gewonnen. Kolegio Kristu Bon Wardador is ook in de prijzen gevallen. Een leerling van die school maakte het dictee met minder dan 5 fouten, dit was Karol Medina.

Gedeputeerde Edsel Cecilia overhandigde de prijs, een sculptuur van de Bonairiaanse kunstenaar Gibi Bomba, aan de winnende school. Elke leerling ontving een cadeau en een certificaat. Bij deze gelegenheid werd ook een plakkaat overhandigd aan mw Regina (Uchi) Frans-Anthonie voor haar medewerking aan de organisatie van het dictee en als aandenken aan het feit dat deze keer het dictee aan haar werd gewijd. Ook mw Paulina (Pòpi) Rodriguez kreeg een prijs uit handen van gedeputeerde Cecilia. Zij was de winnares van het publieksdictee. Fundashon Akademia Papiamentu en de SKAL feliciteert alle winnaars. Een woord van dank gaat uit naar alle scholen voor hun toewijding aan het papiamentu en de hoop bestaat dat deze wedstrijd als stimulans zal dienen om meer tijd in het moedertaalonderwijs te stoppen om volgend jaar de winnaars van dit jaar uit te kunnen dagen. Hartelijk dank ook aan allen die meegewerkt hebben aan het dictee op de Internationale Dag van de Moedertaal.

 

Advertisements
error: Content is protected !!
%d bloggers like this: