Advertisements

Delegashon di U.S. Forward Operating Locations ta hasi donashon di tas di lomba na 920 alumno di skol di Fundeshi. 

Delegashon di U.S. Forward Operating Locations ta hasi donashon di tas di lomba na 920 alumno di skol di Fundeshi. 
 
WILLEMSTAD – Resientemente U.S. Forward Operating Locations (U.S. F.O.L.) den persona di  Lt. Col. Wells, komandante di U.S. F.O.L. i den presensia di e Konsul Merikano na Kòrsou, sra. Margaret Hawthorne a hasi entrega ofishal di donashon di tas di lomba na Minister di Enseñansa, Siensia, Kultura i Deporte, sra. Marilyn Alcalá-Wallé i direktivanan di skol. 
Algun di e tasnan ta kontené artíkulo pa skol, e.o: pòtlot, pèn, steft, buki di anotashon, lineal, kalkulador i map. E inisiativa di U.S. F.O.L. ta sali for di e punto di bista ku ta importante pa yuda famianan ku no ta semper den kondishon pa kumpra material di skol pa nan yunan. 
Tur e tasnnan ku a keda duná komo donashon ta wòrdu repartí bou di tur direktivanan di skol ku ta risibí supsidio di gobièrnu. Direktivanan di skol ta repartí e tasnan bou di nan alumnonan. 
 
Riba e tasnan tin un logo rondó, kaminda por mira un parti di e bandera di Merka i un parti di e bandera di Kòrsou. Den e sentro di e banderanan aki, tin un barika hel, ku ta simbolisá nos para nashonal. Tambe e ta pará komo símbolo di libertat i kresementu. Ku esaki U.S. F.O.L. ke motivá i stimulá nos alumnonan pa habri nan alanan i desaroyá nan mes pa saka nan máksimo potenshal. 
 
U.S. F.O.L. su delegashon huntu ku algun boluntario dediká ta trahando pa hasi un diferensha den nos pais. Segun U.S. F.O.L. e “akto di donashon” ta un forma pa demonstrá konekshon i empatía pa nos próhimo. For di aña 2000, U.S. F.O.L a desaroyá lasonan fuerte ku organisashonnan den nos komunidat. F.O.L. di e forma aki ta  ekspresá su gratitut pa e hospitalidat ku e ta risibí for di siudadanonan di Kòrsou i a opta pa hasi un obra di karidat. U.S. F.O.L. ta spera di sigui krea lasonan positivo, estrecho i di sirbi nos komunidat.

 

Riba e fotonan athunto por mira e momento di e akto di donashon.
Advertisements
error: Content is protected !!
%d bloggers like this: