Advertisements

Minister-President Eugene Rhuggenaath di Curaçao a reuní ku Minister di Desaroyo Agrikultural di Panama, Eduardo Carles huntu ku Embahador di Reino na Panama Dirk Janssen.

PANAMA (3)

Minister-President Eugene Rhuggenaath di #Curaçao a reuní ku Minister di Desaroyo Agrikultural di Panama, Eduardo Carles #huntu ku Embahador di #Reino na Panama Dirk Janssen.

E desaroyonan riba e tereno di agrikultura na Panama basta interesante ta trese oportunidatnan nobo pa kompanianan lokal i internashonal, pa krese den e merkado di produkshòn, fabrikashon i eksportashon. #Panama mas i mas ta posishoná su mes no solamente komo e pais ku ta manehá e kanal sino tambe e pais ku ta eksportá na gran skala.

A papia tambe kon kompanianan Hulandes ta hasi uso di e oportunidatnan ku Panama ta brinda i sigur ta interesante pa wak kon nos lo por kolaborá bilateralmente di moda ku Kòrsou tambe por benefisiá. Por ehèmpel, a papia di e posibilidat pa kolaborá riba desaroyo di proyektonan inovativo manera kultivashon di piská i kon pa fruta, berdura i piská yega nos isla(nan) den un forma mas barata i mas lihe, direktamente for di Panama. #PanamáProduce

Minister Carles a mustra un interes serio pa ku un mishon komersial di empresanan di Kòrsou pa Panama den futuro serkano, i lo yuda organisá enkuentronan entre eksportador Panameño i importadornan di Kòrsou. Ban p’e! 🇨🇼🇵🇦🇳🇱 #SociosEvidentes

__________
ENGLISH:

Prime Minister Eugene Rhuggenaath met with the minister of Agriculture in Panama to discuss interesting opportunities for our countries to collaborate, and are very interested in organizing trade missions where Curaçao importers and Panamese producers and exporters get together to explore possibilities in the area of fishery, fruit and vegetables. Getting them to our island cheaper and faster so we all benefit. We’re going for it! Be on the lookout for more information on this in collaboration with our Ministry of Economic Development.

Advertisements
error: Content is protected !!
%d bloggers like this: