Advertisements

Karta na Presidente di Staten 11 mrt 2018 – Violashon grave ku Reglamentu di Orden di Parlamento, dor di Sr. W. Millerson (Presidente di Parlamento di Kòrsou)

Karta na Presidente di Staten 11 mrt 2018 – Violashon grave ku Reglamentu di Orden di Parlamento, dor di Sr. W. Millerson (Presidente di Parlamento di Kòrsou)

Na Presidente di Parlamento di Kòrsou

Sr. W. Millerson

Wilhelminaplein

Presente

Kòrsou, 11 di mart 2018
Tópiko:            Violashon grave ku Reglamentu di Orden di Parlamento, dor di

Sr. W. Millerson (Presidente di Parlamento di Kòrsou)

Sr. Presidente,

Frakshon di MFK a bini ta tuma nota ku bo persona ta violando Reglamentu di Orden di Parlamento gravemente, esaki dor di no yama reunionnan pidí, konforme artíkulo 64, denter di dieskuater (14) dia i debí na e negligensia i violashon di artíkulo 64 awe tin un lista largu di reunionnan pendiente pa wòrdu trata.

Tin diferente reunion ku miembronan a pidi den pasado i e reunionnan aki NO ta ser yamá dor di bo persona, dentro di e dieskuater (14) dianan stipulá den nos Reglamentu di Orden. Loke ta pekuliar ta, ku mayoria di e temanan ku no ta wòrdu yama pa bo persona ta pa yuda protehá e koalishon aktual i ta temanan di suma importansia pa pueblo di Kòrsou.

Pa refreská sr. Millerson su memoria, nos ta sita den su totalidat kiko tin pará den e artíkulo 64 insiso 1, 2 i 3 di Reglamento di Orden;

Artikel 64

 De voorzitter belegt de vergaderingen zo dikwijls hij dit nodig oordeelt of dit door drie leden schriftelijk met opgave van redenen is verzocht.

 

  1. Hij bepaalt, met inachtneming van hetgeen omtrent de openbare vergaderingen in de Staatsregeling en in dit Reglement van Orde is voorzien, dag en uur van de vergadering.

 

  1. Indien de vergadering op de ingevolge het eerste lid voorgeschreven wijze is

aangevraagd, wordt zij binnen 14 dagen gehouden.

 

Pues ta pará hopi kla, ku si tres (3) miembro pidi un reunion, e reunion mester ser tené denter di dieskuater (14) dia.

No ta na presidente pa disidí pa no yama reunion pidi pa miembronan di Parlamento konforme artíkulo 64 i krea e situashon ku bo persona ta violá e lei aki. Tampoko no ta presidente di Parlamento su prerogativa pa insinuá ku frakshon di MFK ta yama reunion pa stroba gobernashon. Ningun kaminda den Reglamento di Orden, no tin para ku tin un mínimo òf máksimo di reunion ku un Frakshon mester tene kuenta kuné na momento di pidí pa tene un reunion di Parlamento.

Nos simplemente ta hasiendo nos trabou komo representantenan di pueblo riba temanan ku ta di vital importansia pa pueblo di Kòrsou. Si William Millerson huntu ku bo frakshon kier ta “rubberstamp” di koalishon, esei ta boso pleno derecho i prerogativa. Pero frakshon di MFK si no ta “rubberstamp” di ningun gobièrnu i kada bes ku tin temanan ku nos mester sali p’e na interes di Pueblo di Kòrsou nos lo pidi reunion pa atendé e temanan aki.

Tin diferente reunion ku tantu frakshon di MFK i e otro frakshonnan den oposishon a  pidi, ku te awe bo persona no a yama e reunionnan aki.

Esaki ta djis algun di nan;

 

  • 02 di novèmber 2017             Posishon di Gobièrnu i Parlamento rondó

di limitashon den lei pa nos Kontrolaria General por hasi su trabou di kòntròl konforme art. 1 di e “Landsverordening Algemene Rekenkamer Curaçao”.

 

  • 27 di novèmber 2017 Desishon di medida kontra di pueblo pa

subi prima di 13.5 porshento pa seguro

WA di outo

 

  • 27 di novèmber 2017 Frakshonnan di oposishon a pidi

reunion riba e echo ku e minister di

ekonomia a pasa ”screening” pero

personalmente su persona tin akshonnan

den un empresa di seguro ku a haña

oumento di tarifa aprobá dor di e mesun

minister di ekonomia, esaki tambe te awe

no a ser honra.

 

  • 19 desèmber 2017 Maneho ku ta bai hiba ku Presupuesto 2018

despues di kambionan drástiko hasí i kòrtamentu den tur ministerio konforme e maneho finansiero deliniá pa Gabinete Rhuggenaath pa medio di e koalishon formá pa PAR, MAN i PIN.

 

  • 07 di febrüari 2018 Petishon pa reunion di Komishon Sentral

ku karakter di urgensia. “Met het verzoek om de volgende personen uit te nodigien: 1. Dhr. Werner Wiels, 2. Mw. Maria Liberia Peters 3. Representantenan di Deloitte”

 

  • 08 di febrüari 2018 Petishon pa reunion di karakter urgente

tokante di e atropeo di Gobièrnu

Hulandes riba e pueblo humilde di St.

Eustatius.

 

  • 16 di febrüari 2018 Reunion riba medida pa kòrta i/òf eliminá

e proyekto di enseñansa liber/grátis.

 

En kambio nos ta mira ku ora miembronan di koalishon yama reunion, nan petishon ta wòrdu honra mesora, por ehèmpel;

 

  • Petishon di 02 yanüari 2018 Petishon di frakshonnan di PAR i MAN

riba último desaroyonan rondó di

modernisashon i kontinuidat di refineria.

E reunion aki a wòrdu yama dia 22 di

yanüari 2018

 

  • Petishon di 16 yanüari 2018 Petishon di frakshon di MAN riba desishon

di presidente di Venezuela pa sera su

Fronteranan.

E reunionnan aki a wòrdu yama dia 23 di

yanüari 2018

 

  • Petishon di 07 febrüari 2018 Petishon pa reunion relashoná ku kasonan

di tiroteo, asesinato i huida for di sèlnan di

polis.

E reunionnan aki ta programa pa tuma lugá

dia 9 di mart 2018.

 

Nos kier rekordá sr. Millerson ku tareanan di presidente ta formulá den artíkulo 7 insiso a te ku i di Reglamentu di Orden i bo persona komo presidente di Parlamento ta esun promé yama pa kumpli ku esakinan.

 

Artíkulo 43 di nos statüt ta bisa lo siguiente;

 

  1. Elk der landen draagt zorg voor de verwezenlijking van de fundamentele menselijke rechten en vrijheden, de rechtszekerheid en de deugdelijkheid van het bestuur.

 

  1. Het waarborgen van deze rechten, vrijheden, rechtszekerheid en deugdelijkheid van bestuur is aangelegenheid van het Koninkrijk.

 

Artíkulo 43, di nos statüt ta stipulá ku ta nos mes mester atendé ku “Bon Gobernashon” di nos Pais. Si nos mes no por hasi esaki, Reino Hulandes por intervení segun artíkulo 43 insiso 2 pa re-adjust esaki. Nos di MFK no ke pa ningun otro pais intervení den nos asuntunan. Pues ta p’esei nos ta atvertí bo persona, ku si bo sigui faya ku nos Reglamentu di Orden, dor di no yama nos reunionnan dentro di 14 dia manera stipulá den nos Reglamento di Orden, ta nifiká ku bo persona ta pone “Bon Gobernashon” di Kòrsou na peliger. Den e kaso ei, nos ta haña nos obligá di yama un reunion públiko riba bo persona pa garantisá “Bon Gobernashon”, ku komo tópiko di e reunion;

 

Faltamentu ku Reglamentu di Orden, dor di Presidente di Parlamento di Kòrsou sr. W. Millerson.

 

Pues nos ta spera ku lo bo sa, di tuma bon nota di nos atvertensia den e karta aki i koregí bo funshonamentu komo presidente di nos Parlamento i kumpli i aktua konforme nos Reglamentu di Orden.

 

Atentamente,

 

Na nòmber di Frakshon di MFK,


Charles Cooper

Parlamentario pa Frakshon di MFK

 

Kopia pa;

  • Gobièrnu di Kòrsou
  • Gobernador di Kòrsou

Advertisements
error: Content is protected !!
%d bloggers like this: