Advertisements

Orashon djaluna 19 di febrüari 2018

Orashon djaluna 19 di febrüari 2018

‘Ora Yu di hende bini den su gloria, huntu ku tur su angelnan, lo E sinta riba su trono glorioso. Tur nashon di mundu lo reuní su dilanti i lo E separá nan den dos grupo, meskos ku wardadó ta separá karné for di kabritu. E karnénan lo E pone na su man drechi i e kabritunan lo E pone na su man robes. E ora ei e Rei lo bisa esnan pará na su man drechi: “Bini serka Mi, boso ku mi Tata a bendishoná; tuma poseshon di e reino ku ta prepará pa boso for di kuminsamentu di mundu. Pasobra Mi tabatin hamber i boso a duna Mi di kome; Mi tabatin set i boso a duna Mi di bebe. Mi tabata un strañero i boso a risibí Mi den boso kas. Mi tabata sunú i boso a duna Mi paña pa bisti; Mi tabata malu i boso a kuida Mi. Mi tabata será i boso a bin bishitá Mi.” E ora ei esnan ku a biba bon ku Dios lo kontest’É: “Señor, ki dia nos a mira Bo ku hamber i a duna Bo di kome? Ku set, i a duna Bo di bebe? Ki dia nos a mira Bo komo strañero i a risibí Bo den nos kas? Sunú, i a duna Bo paña pa bisti? Ki dia nos a mira Bo malu òf den prizòn i a bishitá Bo?” Rei lo bisa nan: “Mi ta sigurá boso: tur kos ku boso a hasi pa un di e rumannan di ménos importansia akí di Mi, boso a hasié pa Mi.” Despues lo E bisa esnan pará na su man robes: “Bai for di Mi, boso maldishoná pa Dios! Bai den e kandela eterno ku ta prepará pa diabel i su angelnan. Pasobra Mi tabatin hamber i boso no a duna Mi di kome; Mi tabatin set i boso no a duna Mi di bebe. Mi tabata un strañero i boso no a risibí Mi den boso kas; Mi tabata sunú i boso no a duna Mi paña pa bisti; Mi tabata malu i den prizòn i boso no a bin bishitá Mi.” E ora ei nan lo kontest’É: “Señor, ki dia nos a mira Bo ku hamber, òf ku set, òf komo strañero òf sunú, òf malu, òf den prizòn i nos no a yuda Bo?” E ora ei lo E kontestá nan: “Mi ta sigurá boso: tur kos ku boso no a hasi pa un di e hendenan di ménos importansia ei, boso no a hasié pa Mi.” Wèl, esnan akí lo risibí kastigu eterno, ma e hendenan ku a biba bon ku Dios lo risibí bida eterno.’’ Mateo 25:31-46

Advertisements
error: Content is protected !!
%d bloggers like this: