Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

TRABOUNAN A START PA DRECHA STADION ERGILIO HATO Danki na finansiamentu di gobiernu Korsou.

TRABOUNAN A START PA DRECHA STADION ERGILIO HATO Danki na finansiamentu di gobiernu Korsou.

Wega Korsou vs Bolivia 23-26 mart 2018 por tuma luga den SDK.

Danki na yudansa finansiero di gobiernu di Kòrsou e trabounan a start djaluna último 12 februari 2018 i lo terminá apróksimadamente 1 mart 2018.

Manera nos tur sa Stadion Ergilio Hato for di Novèmber 2016 no por ser usá pa weganan di Futbòl ya ku e yerba artifisial a ser dañá durante un konsierto ku a tuma lugá den SDK.
Despues di hopi lucha i ku koperashon di gobiernu e trabounan a kuminsá. Den komienso di mart e deporte Rei Futbòl lo por bolbe kuminsá hasi uso di nos stadion Nashonal.

E trabounan ta tumando lugá den 4 fase kaminda a parti e velt den 4 pida i ta lanta e yerba fase pa fase pa asina por drecha e supervisio ku a ser dañá. Tanten ku ta drechando e parti abou di e yerba di e promé parti ta kita e yerba di e di 4 parti pa e tambe wordu drechá. Despues ku e parti abou di fase 1 ta kla drechá ta bòltu e yerba bèk i poné na su luga. Asina lo sosodé ku fase 2,3 I 4 tambe.

E trabou total aki ta spera di ta kla pa 1 mart 2018. Ku esaki tambe weganan di futbòl por bolbe tuma lugá den SDK. I preparashonnan pa e weganan di nos selekshon Nashonal di dia 23 i 26 mart próksimo kontra e selekshon di Bolivia lo por tuma lugá den nos stadion Nashonal.

Un danki ta bai na gobiernu di Kòrsou, Edelgras, CWM i tur esnan ku a hasi posibel ku futbòl por bolbe hasi uso di SDK. Tabata ku esfuerso grandi di e Presidente di FFK e trabounan por a kuminsá na tempu pa asina pa otro luna futbòl por bolbe kuminsá hasi uso di nos stadion Nashonal. Despues di mas ku 1 aña i 4 luna ku e vèlt tabata dañá.

Un danki tambe ta bai na Fundashon Barika Hel I Stadion di Subt kaminda tur nos weganan di kampionato a tuma lugá i lo sigui tuma lugá repartí entre stadion di Subt I Stadion Ergilio Hato.
Fanatikonan di futbol prepará boso pa por wak nos weganan di kampionato i e gran enkuentro di nos selekshon Nashonal vs Bolivia na mart próksimo.

Adhunto por tira un bista riba e foto kaminda ta ilustrá ku e trabounan a kuminsá.

Advertisements
error: Content is protected !!
%d bloggers like this: